د کابل پوهنتون رئیس د نارینه محصلانو له مرکزي شپه غالي (لیلیې) څخه لیدنه وکړه
د روان کال د لړم میاشتې په ۱۶ مه نېټه د دوشنبې ورځ د پوهنتون رئیس ښاعلي دکتور اسامه عزیز چې مالي او اداري مرسیتال ښاغلي مولوي معلم احمد حقاني یې ملتیا کوله، د نارینه محصلینو لیلیې له مختلفو برخو لکه کتابتون، کمپیوتر لب، خوړنتون، دغذایي موادو ګدام او محصلینو له اطاقونو څخه لیدنه وکړه او مسوولینو ته یې د محصلینو د چارو د لا ښه والي او معیاري خدماتو په وړاندې کولو ټینګار وکړ.
د لیليې کارکوونکو د پوهنتون د رئیس له راتګ څخه مننه وکړه او محصلینو ته یې د غوره خدمتونو د وړاندې کولو ډاډ ورکړ.
په یاده لیدنه کې محصلینو خپلې غوښتنې او ستونزې د پوهنتون له رئیس سره شریکې او د حل لپاره یې ترېنه د جدي پاملرنې غوښتونکي شول.
