د کابل پوهنتون د محصلینو چارو معاونیت او د ځوانانو د زده کړې او پیاوړتیا څخه د ملاتړ موسسې ترمنځ همکاریو هوکړه لیک لاسلیک شو
د کابل پوهنتون د محصلینو چارو معاونیت د خدماتو امریت او د ځوانانو د زده کړې او پیاوړتیا څخه د ملاتړ موسسې ترمنځ د همکاریو هوکړه لیک د روان ۱۳۹۹ کال د سلوغې میاشتې په ۲۰ نېټه د دواړو لورو مسوولینو ترمنځ د محصلینو علمي او فني ظرفیت لوړولو او د کابل پوهنتون د محصلینو د چارو د انسجام امریت د دواړو لورو ترمنځ د محصلینو لپاره د کار زده کړې فرصت زمینې برابرولو په موخه لاسلیک شو.
د دې هوکړه لیک پر بنسټ د کابل پوهنتون د محصلینو د خدمتونو د انسجام امریت د محصلینو لپاره د ډول- ډول لنډ مهاله زده کړو ټولګيو او دورو جوړولو لارو د زمیني برابرولو لپاره کار وکړي او په دې هوکړه لیک کې د ټاکل شوي مهال ویش سره سم د ظرفیت لوړول لکه: د څېړنې میتود، د شمېرو تحلیل برنامې، ACCA، AutoCAD، د مالیاتو، د انګلیسي ژبې زده کړې پروګرام، د بیان فن او د کارموندنې، مدیریت، رهبري، بازار موندنې او نورو برخو کې د کابل پوهنتون د محترمو محصلینو لپاره جوړوي.
د کابل پوهنتون د محصلینو د خدماتو د انسجام امر ښاغلي فضل الربي ابراهیمي د پوهنتون د محصلینو چارو معاونیت د دې هوکړه لیک د لاسلیک په برنامه کې په داسې حال کې، چې د ځوانانو د زده کړې او ظرفیت لوړونې څخه د ملاتړ موسسې رییس ښاغلي عبدالله اوریا او مل هئیت هم شتون درلود. د دې هوکړه لیک موخه د کابل پوهنتون ته د زیاتو خدماتو وړاندې کول او د زده کړې د غوره فرصتونو برابرول، د کار زده کړې بلل شوي او د دې برنامو په اغېزمنو پلي کېدو یې تاکید وکړ او د هر ډول تیاریو اماده ګي یې وښوده.
په پام کې ده، چې د کابل پوهنتون د درسونو په پیل او پدې ځای کې د محصلینو په مستقیم شتون سره پورته برنامې به په منظم ډول سره جوړې، پیل او پلي شي.
