د کابل پوهنتون د علمي شورا غونډه د لوړو زده کړو وزارت د سرپرست وزیر په شتون کې تر سره شوه

tariq_admin
چهارشنبه ۱۴۰۱/۱۰/۲۱ - ۹:۵۵
59

د لوړو زده کړو وزارت سرپرست وزیر ښاغلي شیخ مولوي ندا محمد ندیم او ورسره مل پلاوي د روان کال مرغومي میاشتې په ۲۰ مه نېټه د سه شنبه ورځ د کابل پوهنتون څخه د لیدنې پر مهال د یاد پوهنتون د علمي شورا په غونډه کې هم ګډون وکړ.

د علمي شورا په غونډه کې د کابل پوهنتون رئيس ښاغلي دکتور اسامه عزيز د تېر يو نيم کال په موده کې د دغه پوهنتون د کړنو، لاسته راوړنو، برنامو او نورو مهمو علمي او اکاډميکو مسايلو په اړه خبرې وکړې او د لوړو زده کړو وزارت  له رهبرۍ يې وغوښتل چې د کابل پوهنتون د علمي څېړنو په برخه کې د مالي او اداري خپلواکۍ، د لابراتوارونو تمویل او تجهیز، د اداري او خدماتي بستونو د زیاتوالي او نورو اړینو مواردو ته ځانګړې پاملرنه وکړي.

همدارنګه پدغه غونډه کې د لوړو زده کړو وزارت سرپرست شیخ مولوي ندا محمد ندیم د کابل پوهنتون د علمي شورا په غونډه کې له ګډون خوښی څرګنده کړه او ټینګار یې وکړ چې فعلي نظام د معاصرو علومو په ګډون د هېواد د تحصیلي ډګر د ودې او پرمختګ لپاره ژمن دی. او پدې برخه کې به هیڅ ډول هڅې ونه سپموي.

د لوړو زده کړو وزارت سرپرست د کابل پوهنتون د مشرتابه د غوښتنو په اړه د خپل ملاتړ د اعلان تر څنګ ژمنه وکړه، چې پدې برخه کې به د نظام له اړوندو څانګو او لورو سره خبرې وکړي، تر څو په راتلونکي کې د هغو د تطبیق لپاره زمینه برابره شي.

د علمي شورا پدې غونډه کې د خارجي ژبو او ادبیاتو پوهنځي رئیس ښاغلي پوهنوال ګل محمد باسل د علمي شورا د غړو په استازیتوب خبرې وکړې نوموړي په علمي شورا کې د لوړو زده کړو د سرپرست وزیر له شتون څخه مننه او قدردانی وکړه.

د علمي شورا له غونډې وروسته ښاغلي شیخ مولوي ندا محمد ندیم او ورسره مل پلاوي د کابل پوهنتون له پوهنځيو، لابراتوارونو او د پوهنتون له بېلابېلو څانګو هم لیدنه وکړه.

تازه خبرونه

پنجشنبه ۱۴۰۱/۱۱/۱۳ - ۱۵:۱۲
Background image

په کابل پوهنتون کې د پرمختللې علمي رهبرۍ روزنیز ورکشاپ پای ته ورسید

په کابل پوهنتون کې د روان کال سلواغې په ۱۳ نیټه پنجشنبې په ورځ  پر مختللې علمي رهبرۍ روزنیز  ورکشاپ پای ته ورسید.

د نوموړي ورکشاپ پای ته رسیدو غونډه کې د کابل پوهنتون رئیس ښاغلي دکتور. . .

پنجشنبه ۱۴۰۱/۱۱/۱۳ - ۱۳:۵۳
Background image

د احمد وحید مژده د شهادت څلورم تلین نمانځنه ترسره شوه

په کابل پوهنتون کې د ملي راډیو تلویزیون لخوا په جوړه شوې یاد غونډه کې د هیواد پخواني دیپلومات او شنونکي شهید احمد وحید مژده د شهادت څلورم تلین نمانځنه ترسره شوه.

په یاده غونډه کې د. . .

دوشنبه ۱۴۰۱/۱۱/۱۰ - ۱۶:۳۴
Background image

په کابل پوهنتون کې د پر مختللې اکاډمیکې رهبرۍ روزنیز ورکشاپ دائر شو

دغه ورکشاپ د روان کال سلواغې میاشتې په لسمه نېټه د پوهنتون مسلکي ودې آمریت (PDC)، لخوا جوړ شوی دی او څلور ورځې به دوام وکړي. په نوموړي ورکشاپ کې د بېلابېلا پوهنځیو رئیسان ګډون لري.

په. . .

BACK TO NEWS

گالری رسانه

د کابل پوهنتون استادانو ته د لوړو زده کړو محترم وزیر شیخ ندا محمد ندیم صاحب د وینا یوه برخه:

د ټولنیزو علومو پوهنځي کې د ماسټري د نویې برنامې رامنځ ته کېدو د نصاب په اړه د نظر شریکولو غونډه ترسره شوه

د کابل پوهنتون د کرنې پوهنځي د څېړنیز پوسترونو نندارتون پرانستل شو

د کابل پوهنتون د ۱۴۰۱ هـ ل کال د فارغ التحصیل محصلینو د فراغت غونډې مراسم تر سره شول

د کابل پوهنتون د ۱۴۰۱ هـ ل کال د فراغت غونډې د عکسونو البوم

له نرم او ښایسته باران وروسته د کابل پوهنتون دښایسته انګړ د عکسونو البوم

دکابل پوهنتون د ښکلو هنرونو پوهنځۍ د پسرلنی سمسټر د نندارتون په مراسمو کې دلوړو زده کړو وزارت دعلمي معین ښاغلی لطف الله خیرخواه صاحب وینا