د کابل پوهنتون انجینري پوهنځۍ د مهندسۍ څانګې ډیزاین او څېړنې سیمینار ترسره شو

tariq_admin
سه‌شنبه ۱۴۰۲/۱۱/۳ - ۱۶:۲۵
5412

 په دې تړاو جوړې شوې پروګرام کې د کابل پوهنتون رئیس دوکتور اسامه عزیز، د لوړو زده کړو وزارت علمي مرستیال دوکتور لطف الله خیرخواه، د دولتي محصلانو چارو رئیس حامد یعقوبي، د کور او ښار جوړونې چارو وزارت استازو، د پوهنتون استادانو، اداري مسوولینو او زده کړیالانو برخه اخیستې وه. مسوولینو په خپلو خبرو کې د انجینري پوهنځۍ په برخه کې څېړنې او نوښتونه مهم وبلل زیاته یې کړه چې د هېواد په ابادۍ او پرمختګ کې د انجینرۍ برخه خورا مهم او د پام وړ ارزښت لري.

په کابل پوهنتون کې د انجینري پوهنځۍ مهندسي څانګې له لوري د ډیزاین او څېړنې سیمینار په تړاو غونډه کې، چې پکې د پوهنتون زده کړ یالانو د انجینرۍ او خپلې اړوندې مسلکي برخه کې چمتو شوي پریزېنټېشنونه ګډونوالو ته وړاندې کړل، د پیل او ښه راغلاست وینا د انجینري پوهنځۍ رئیس پوهاند عبدالقیوم کریم وکړه او د مهندسۍ څانګې دا کړنه او زیاریې مهم یاد کړ.

ورپسې د کابل پوهنتون زده کړیالانو له لوري چمتو شوي ډيزاینونه په نوبت سره وړاندې شول، چې د نوي عصر او غوښتتنو سره سم ماسټر پلانونه پکې نظر کې نیول شوي وو، چې پکې د استقلال شهرک، د ازادۍ شهرک، د پولیسو مجاهد شهرک او د پکتیا مهاجرینو ښارګوتي ډیزاین شوي ما سټر پلانه وړاندې شول.

دغه راز د لوړو زده کړو وزات د دولتي پوهنتونونو زده کړیالانو چارو رئیس په خپلو خبرو کې د کابل پوهنتون له رهبرۍ څخه په دې تړاو د مننې ترڅنګ زیاته کړه چې د هېواد په پرمختګ، ابادۍ او ځان بسیاینې برخو کې د انجینرۍ علم مهم ارزښت لري او له زده کړیالانو یې وغوښتل چې په دې برخه کې لا نور ډېر نوښتونه رامنځته کړي.

 د یادونې وړ ده چې د سیمینار په پای کې د کابل پوهنتون رئیس دوکتور اسامه عزیز، د لوړو زده کړو وزارت څخه راغلو مسوولینو او استادانو له لوري زده کړیالانو ته ستاینلیکونه هم ورکړل شول.

تازه خبرونه

سه‌شنبه ۱۴۰۲/۱۲/۸ - ۱۲:۵۸
Background image

د بې سرحده ډاکټرانو دفتر یا (MSF) د ۱۰۰۰ په شاوخوا کې د فارمسي پوهنځۍ د زده کړیالانو لپاره د سپینو چپنو مرسته وکړه

 په همدې تړاو جوړو شویو مراسمو کې د کابل پوهنتون فارمسي پوهنځۍ رئیس پوهنوال آقا محمد ژکفر په خپلو خبرو کې د بې سرحده ډاکټرانو له مرسته مننه وکړه او دغه راز یې له دوی څخه وغوښتل چې د. . .

پنجشنبه ۱۴۰۲/۱۲/۳ - ۱۴:۲۶
Background image

په ځمکپوهنه پوهنځي کې د یخچالونو ساتنې او ارزونې په تړاو ۵ ورځنی ورکشاپ پای ته ورسېد

د روان کال کب میاشتې په ۳ نېټه د کابل پوهنتون په ځمکپوهنه پوهنځي کې د اوبو سرچینو، یخچالونو ساتنې، څارنې، ارزونې او تحلیل په اړه جوړ شوی ۵ ورځنی ورکشاپ پای ته ورسېد.

نوموړي ورکشاپ ۵. . .

چهارشنبه ۱۴۰۲/۱۲/۲ - ۱۶:۲۴
Background image

د محصلینو لپاره ۱۵ ورځینی فکري او روزنیز سمینار پای ته ورسېد

په دې سمینار کې د مرکزي حوزې له پوهنتونو څخه له (۳۰۰) تنو څخه زیاتو محصلینو ګډون کړی وو او همدارنګه نوموتو علماوو لخوا د ۱۵ ورځو په لړ کې  هغوی ته مهم دیني، عقیدتي، فکري، او اصلاحي. . .

BACK TO NEWS

گالری رسانه

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون د رغنيزو چارو په جریان کي نن د لوړو زده‌کړو وزارت او کابل پوهنتون ترمنځ د نښلونکي سړک د پراخوالي چاري پیل شوې.

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

له نرم او ښایسته باران وروسته د کابل پوهنتون دښایسته انګړ د عکسونو البوم