د څو پوهنتونونو استادانو ته د مسلکي ظرفيت لوړونې ورکشاپ پيل شو
د کابل پوهنتون د فزیک پوهنځي له لوري د هېواد د شلو پوهنتونونو د استادانو لپاره د فزيک په برخه کې د مسلکي ظرفیت لوړونې ورکشاپ پيل شو. ياد ورکشاپ د استادانو د علمي او عملي وړتياوو د لوړولو په موخه تنظيم شوی، چې پکې د فزیک اړوند لسګونه تجربې په لابراتوارونو کې ترسره کېږي.
دا ورکشاپ د کابل پوهنتون داخلي او بهرني استادان پرمخ وړي، چې د نويو تدریسي میتودونو او عصري لابراتواري تجربو له لارې د ګډونوالو مسلکي مهارتونه پياوړي کوي. ګډونوال استادان په عملي ډول له نويو علمي تجربو سره بلدتيا مومي او خپلې علمي تجربې يو له بل سره شريکوي.
د لوړو زده کړو وزير ښاغلي شي.خ م.ولوي ند.اء محم.د ندي.م د ياد ورکشاپ له بهير څخه ليدنه وکړه، د ترينرانو او ګډونوالو استادانو نظرونه او غوښتنې يې واورېدې، د کابل پوهنتون له دې فعاليت يې ستاینه وکړه او مسؤلينو ته يې لارښوونه وکړه چې په راتلونکي کې د دې ډول علمي او مسلکي فعاليتونو د پراخېدو لپاره يو منظم پلان جوړ او له وزارت سره شريک کړي.
د يادونې ده چې دغه ډول ورکشاپونه د پوهنتونونو ترمنځ د علمي همکارۍ د پياوړتيا، د تدریس د کيفيت د لوړولو او د لابراتواري زده کړو د معياري کولو لپاره مهم ارزښت لري.
