د پیداگوژي ډيپارټمنټ

الف.  پېژندنه:

د پیداګوژي ډیپارټمنټ یا هماغه ډیپارټمنټ چې د ښوونې او روزنې پوهنځي د تأسیس په وخت کی 1341 هـ لمریز کال کې د روزنیزې ادارې په نامه رامنځته شوی و او بیا د مسلکي زده کړو په نامه و نومول شو، دا د هغې لړۍ دوام دی چې چې د زده کرې او څېړنې خدمتونه خپلو هېوادوالو ته وړاندې کوي. له هغه وخت څخه تر اوسه پورې د کابل پوهنتون د ارواپوهنی او روزنیزو علومو د پوهنځي په چوکاټ کې د وتلي او مشهور ډيپارټمنټ په توګه فعالیت کوي. د دې دیپارتمنت زیاتره استادانو خپلې لوړې زده کړې، په امریکا او یا د بیروت په امریکایي پوهنتون کې ترسره کرې.

د نویو علمي او ټکنالوژیکي بدلونونو او د ټولنې دغو نویو اړتیاوو ته کتو سره، د پیداګوژي ډیپارټمنټ په وروستیو کلونو کی خپل درسي نصاب او د زده کرې موخې، د زده کرې اړتیا سنجونې، د پایلو په نظر کی نیولو سره تر نظر تېر کری دی او ژمن دی چې محصلانو ته د معیاري زده کرې خدمات وراندې کري او د کار وړ لوړې څېړنې ترسره کړي.

ب. موخې:

1. لید لوری:

د داسې تحصیلي د فرصتونو برابرول چې په هغو کې د محصلانو د زده کرې بهیر، د نظري علومو او مهارتونه له لوړ کیفیت څخه برخمن شي. د پیداګوژي ډیپارټمنټ په دې لړ کې‎، د نوښتګر تفکر درلودونکي تحقیق او تدریس تاکید کولو سره، د ازاد، مبتکر او مسؤولیت پیژندونکو انسانانو په روزلو ټینګار کوي او په درشل کې دی.

2. ماموریت:

په روزنیزو علومو کې د علمي او عملي مهارتونو له را منځ ته کولو سره د پیداګوژې څانګې د تخصصي کورسو له لارې د ژمن، خلاق او پیاوړو محصلینو روزنه، د دې لپاره چې تخصصي انساني ځواک د ښوونې او روزنې په برخه کی تامین شي

3. بنسټي موخې:

روزنیز علوم له هغه علومو څخه عارت دي چې د ښوونې او روزنې پرنسیپونه، اصول، قوانین، موخې، میتودونه او فعالیتونه په ټولو کچو کې او د زده کړې په لویو او کوچنیو پروګرامونو کې تر بحث لاندې نیسي.

د وراندې شوي تعریف په نظر کې نیولو سره، د پیداګوژي (روزنیزعلومو) ډيپارټمنټ موخه د لیسانس په دوره کې د متخصص، ژمن او کارپوه کسانو روزنه ده چې له فراغت وروسته په لاندی کارونو بوخت وي:

• د تدریس کولو وړتیا د ښوونکيو د روزنې (په لوړو او منځنیو) مؤسسو کې.
• د ښوونیز نصاب د طرحې، تدوین، عملي کولو او ارزونې وړتیا.
• د زده کرې د طرې او عملي کولو ضرورت موندلو وړتیا.
• د ښوونې او روزنې په برخه کې د عملي څېړنو د ترسره کولو وړتیا.
• د زده کرې د بهیر د ارزونې وړتیا.

د ظرفیت د لوړولو لپاره د ښوونیزو پروګرامونو جوړولو وړتیا.

• د ښوونې او روزنې په ډګر کې له بنسټي مفکورو سره بلدتیا.
• په نرۍ او افغانستان کې د ښوونې او روزنې له تاریخ څخه خبرتیا او د روزنیزو علومو د تجزیې او تحلیل وړتیا.
• د نرۍ د مختلفو هېوادونو له ښونیزو سیسټمونو سره بلدتیا.
• په ملي کچه د ښوونې او روزنې له مسایلو سره د احساس او لېوالتیا پیدا کول.
• په دې باور لرل چې تعلیم ښوونه او روزنه د ټولنې د تغییر او پرمختګ اساس دی.
• په ښوونه او روزنه کې د ماسترۍ دورې زده کړو ته د محصلینو د راتګ لپاره لارسازي.

ج. تحصیلی نصاب (تخصصي مضمونونه)