د پارتیسیپ موسسې د دفتر رئیس د کابل پوهنتون له رئیس سره لیدنه تر سره کړه
د پارتیسیپ دفتر رئیس ښاغلي جوهانس اونماخت پداسې حال کې چې د کابل دفتر کارکوونکو یې ملتیا کوله د کابل پوهنتون له رئیس ښاغلي دکتور اسامه عزیز سره په خپل کاري دفتر کې ولیدل.
پدې لیدنه کې چې د فارمسي پوهنځي رئیس پوهنوال آقا محمد ژکفر هم شتون درلود، د لاسلیک شوي هوکړه لیک په چوکاټ کې د پارتیسیپ دفتر سره د کابل پوهنتون د همکاریو په اړه خبرې وشوې.
ښاغلي جوهانس د درملو د کیفیت ارزونې له هغه بهیر څخه چې د فارمسي پوهنځي په میني لب لابراتوارونو کې د پارتیسیپ دفتر په همکارۍ ترسره کېږي خوښي څرګنده کړه.
دواړه اړخونه ددې پروسې ارزښت مهم بولي او په راتلونکي کې ددغه بهیر د ادامې غوښتونکي دي.
