د ملي تدارکاتو ملي ادارې پلاوي د کابل پوهنتون له رییس سره وکتل
د ملي تدارکاتو ادارې پلاوي د کابل پوهنتون د تدارکاتي ستونزو د ارزونې په موخه د دې پوهنتون له رییس دکتور محمد عثمان بابري سره وکتل.
دا لیدنه، چې د ۱۴۰۰ ل.ل د وري په درېمه نېټه تر سره شوه، د کابل پوهنتون مالي او اداري سرپرست مرستیال الله داد سلیم، د دې پوهنتون د تدارکاتو برخې امر او کارمندانو هم شتون درلود، د تدارکاتو ملي ادارې پلاوي سره یې د کابل پوهنتون د تدارکاتي سیسټم په غوره والي یې هر اړخیزې خبرې وکړې. د کابل پوهنتون رییس پوهاند بابري پدې لیدنه کې په خپلو خبرو کې یې د دې پوهنتون د تدارکاتو برخې د ستونزو او ننګونو څخه یادونه وکړه او د تدارکاتو ملي ادارې له پلاوي څخه یې وغوښتل، چې د کابل پوهنتون د دې ستونزو په له منځه وړلو کې همکاري وکړي. وروسته د تدارکاتو ملي ادارې پلاوي وعده وکړه، چې تر دې وروسته به د کابل پوهنتون د تدارکاتو سیسټم د غوره والي لپاره یې د دې پوهنتون سره د همکاري وعده وکړه. د تدارکاتو ملي ادارې د خصوصي سکټور ظرفیت تصدیق رییس امان الله نیازي وویل، چې د کابل پوهنتون د تدارکاتي سیسټم په غوره والي په موخه یې اړینې طرحې او وړاندیزونه تیار کړي دي او هغه د پوهنتون د دې برخې مسوولینو سره شریکوي تر څو هغوی وکولای شي د دې طرحو او وړاندیزونو په رڼا کې خپل کارونه تر سره کړي.
