د لیسانس پورته برنامو د دوره يي کتنې له پرمختګونو څخه د راپور ورکونې او څارنې ناسته، چې د کیفیت تضمین امریت له لوري تطبیق شوې ده تر بحث لاندې ونیول شوه
د کابل پوهنتون معیارو ته په کتو د دې پوهنتون په پنځو پوهنځیو کې د ماسټري او دکتورا برنامې، چې د داخلي ژبو او ادبیاتو پوهنځي، د بهرنیو ژبو او ادبیاتو پوهنځي، شرعیاتو پوهنځي، د حقوقو او سیاسي علومو پوهنځي او د ښکلو هنرونو پوهنځي پکې شامل دي، دوره یي کتنه وکړه او نن د روان ۱۴۰۰ کال د غوايي په ۲۷ نېټه د کیفیت تضمین امر له لوري د راپور جزیات اړوندو پوهنځیو رییسانو او امرینو او د پنل کمېټې غړو سره د علمي شورا په تالار کې شریک کړل.
پدې ناسته کې د کابل پوهنتون رییس ښاغلي پوهاند دکتور محمد عثمان بابري، د علمي چارو مرستیال ښاغلي پوهاند محمد شفیع شریفي او د محصلینو چارو مرستیال ښاغلي پوهندوی فیصل امین هم شتون درلود.
د ناستې په پیل کې د کابل پوهنتون ښاغلي رییس د ناستې غړو ته د ښه راغلاست ترڅنګ یې د ارزونې کمېټې له غړو څخه وغوښتل ترڅو د دې پوهنتون د ماسټري او دکتورا برنامو د ارزونو موندنو راپور وړاندې کړي.
وروسته د کیفیت تضمین امرې او د کابل پوهنتون د بهرنیو ژبو او ادبیاتو پوهنځي استادې اغلې پوهنمل لیلا نادر، د دې کمېټې مشري په توګه ګمارل شوې وه، د پنل (مرکزي) کمېټې غړو له لوري ټول راپورونه جګ لست ته په کتو په هر اړخیزه توګه، چې له مخکې اماده شوي وو، د دوره يي کتنې میکانیزم ته په کتو د غوره والي او پیاوړتیا په موخه یې، چې کوم وخت نیولای، هدفمندي، موندنې، ستونزې او حل لارې یې په هر اړخیز ډول وړاندې کړې.
په پای کې د کابل پوهنتون رییس د کیفیت تضمین آمریت او ګمارل شوې کمېټې څخه د مننې ترڅنګ یې ستاینه وکړه او زیاته یې کړه، چې تر لسانس پورته برنامه متنوع، هدفمنده او با کیفیته وي، چې د کار مارکېټ او ارزښتونو ته په کتو جوړیږي او دوام مومي؛ د پوهنتون د رهبري ملاتړ ترلاسه کوي او پوهنځي، څانګې او کمېټه ګمارل شوې ده، چې د برنامو په غنامت او نیمګړتیاوو په له منځه وړلو کې اقدام وکړي.
