د الماني ژبې ډيپارټمنټ

الف. پېژندنه:

په ۱۳۵۱ لمریز کال کې د الماني ژبې ډيپارټمنټ د ژبو او ادبیاتو پوهنځي په چوکاټ کې رامنځته شو چې تر اوسه یې پنځه پينځوس دورې فارغان ټولنې ته وړاندې کړي دي. د هېوادونو ترمنځ د اړیکو او د معلومات د راکړه ورکړې په عصر کې په بهرنیو ژوندیو ژبو باندې تسلط درلودل او پوهېدل اړین دي. له دې ژبو څخه په الماني ژبه او ادبیاتو پوهېدل هم د مناسبې کاري راتلونکې لپاره اړین او ارزښتناک دی.

ب. زده‌کړه‌ییزې موخې:

1. لیدلوری:

د الماني ژبې او ادبیاتو ډيپارټمنټ لوړول یوه ملي او نړیوال پېژندل شوي مرکزه ته د کابل پوهنتون په مرسته چې د ګاونډیو هېوادونو په سطح د ژبې او ادبیاتو په بېلابېلو برخو کې متخصص کادرونه وروزي او مجرب فارغان ټولنې ته وړاندې کړي.

2. ماموریت:

د کابل پوهنتون د ژبو او ادبیاتو پوهنځي د الماني ژبې او ادبیاتو ډيپارټمنټ یو علمي او اکادمیک مرکز دی چې د الماني ژبې او ادبیاتو په برخه کې هر کال په معیاري توګه محصلان وروزي. د یادې ډيپارټمنټ فارغان وروسته له فراغته لاندې اساسي او عمده مهارتونه چې د دې ډيپارټمنټ لخوا ورته ټاکل شوي دي؛ زده کوي.

3. اساسي موخې:

• د ټولنې د اړتياو د پوره کولو او الماني ژبو وګړو ته د لوړ اسلامي کلتور ورپيژندلو په موخه د الماني ژبې د تکړه او مجربه استادانو او ژباړونکيو روزنه.
• له الماني ژبې څخه ملي ژبو او له ملي هغو څخه الماني ژبې ته د پوهې انتقال.
• د نویو مېتودونو څخه په ګټه اخیستو د الماني ژبې تدریس.
• د ادبي اثارو په برخه کې د کره‌کتنې مهارتونو زده کړه او د اتنقادي فکر وړتیا.
• د څېړنې او لیکوالۍ په برخه کې د مهارتونو زده‌کړه.
• د ژباړې په فن کې د مهارتونو زده‌کړه.

ج. لابراتوار او روزنیز تجهیزات:

د الماني ژبې او ادبیاتو ډيپارټمنټ د محصلانو لپاره د اسانتیاوو په موخه یو کمپیوتر لب لري چې محصلان له دې ځایه په وزګار وخت کې ګټه اخلي.

د. مسلکي فارغانو راتلونکې

• د پوهنتونو په علمي کادر او د مکتبونو د الماني ژبې د ښوونکو په توګه جذبېدل؛
• د المان د فرهنګي مرکز ګویته انستیتوت د الماني ژبې ښوونکو په توګه؛
• د صنایع او توریزم په سکتور کې د کارکوونکي په توګه؛
• د رسنیو د فرهنګي مرستندویانو په توګه؛
• په رسمي او غیر رسمي دفترونو کې د ژباړونکي په توګه؛

هـ. تحصیلي نصاب