د افغانستان امریکايي پوهنتون (AUAF) د کابل پوهنتون د لړم دولسمې پېښې په مناسبت یې د دې پوهنتون له رهبري سره خواخوږي وکړه

Abdul Hai Alamyar
پنجشنبه ۱۳۹۹/۹/۲۷ - ۱۵:۴۹
لبسی

د افغانستان امریکايي پوهنتون رهبري هیئت (AUAF) د دې پوهنتون د رییس پروفیسور ډیويډ سیدني تر ریاست لاندې د کابل پوهنتون د لړم دولسمې دردوونکې پېښې په مناسبت، چې یو شمېر شهیدان او ټپیان یې تر شاه پرېښودل د کابل پوهنتون رییس او رهبري هیئت سره وکتل او خپله خواخوږي او غمشریکي یې وکړه.

د افغانستان دامریکايي پوهنتون رییس ښاغلي ډیويډ  سیدني او د دې پوهنتون د ښوونیزو او اکاډمیکو همکاریو د برخې مرستیالې مېرمن دکتور ویکتوریا چارلوتي فونتن پدې لیدنه کې خبرې وکړې او په کابل پوهنتون کې یې په خپل حضور خوښي وښوده او وروسته یې د لړم دولسمې پېښې څخه یادونه وکړه او د کابل پوهنتون رهبري سره یې خپله خواخوږي او غمشریکي وکړه. ښاغلي سیدني د لړم دولسمې پېښه یوه تروریستي پېښه  یاده کړه هیله یې وښوده، چې د افغانستان امنیتي ځواکونه وکولای شي د دې پېښې اصلي عاملینو په پېژندنه، نیونه او قانون ته سپارلو لپاره جدي هڅه وکړه. ښاغلي سیدني په خپلو خبرو کې د دواړو بنسټونو ترمنځ د همکاریو او د ګډو علمي- اکاډمیکو برنامو په جوړېدو او پراختیا تاکید وکړ او په پای کې یې د کابل پوهنتون رییس ته د افغانستان امریکايي پوهنتون د استادانو او محصلینو له لوري د لیکل شوو تسلیت پیغامونو ډکه کتابجه ورکړه.

وروسته د کابل پوهنتون رییس پوهاند دکتور محمد عثمان بابري د ښه راغلاست ترڅنګ یې کابل پوهنتون ته د افغانستان امریکايي پوهنتون رهبري هیئت حضور او خواخوږي -غمشریکي څخه مننه وکړه او دا یې په سختو شرایطو کې د اکاډمیکو بنسټونو ترمنځ یووالی او همپالنه یاده کړه. پوهاند بابري د افغانستان امریکايي پوهنتون یې د هیواد یو ریښتینۍ دوست او همکار یاد کړ او د دوی له زحمتونو څخه یې ستاینه وکړه. ښاغلي بابري د خپلو خبرو په پای کې د دواړو بنسټونو ترمنځ د ګډو علمي او اکاډمیکو اړیکو همکاریو باندې تاکید وکړ ترڅو دهمکاري طرحې لارو یو بل فرصت پیدا شي.

دا لیدنه د ماسپښین په ۲ بجو پیل او په ۲:۴۰ دقیقو پایته ورسېده.

تازه خبرونه

چهارشنبه ۱۴۰۰/۱/۱۸ - ۱۱:۱۰
Background image

د کابل پوهنتون رییس په خپل دفتر کې د قزاقستان له سفیر سره وکتل

د کابل پوهنتون رییس پوهاند دکتور محمد عثمان بابري په داسې حال کې، چې د دې پوهنتون مرستیالانو هم شتون درلود په کابل کې د قزاقستان جمهوريت سفیر عالم خان یاسین ګیلدیف او مل پلاوي سره وکتل. . .

چهارشنبه ۱۴۰۰/۱/۱۸ - ۸:۳۲
Background image

په کرنې پوهنځي کې د حاصل ترلاسه کولو وروسته د ضایعاتو د کموالي تر عنوان لاندې په زراعتي سکتور کې د ځوانانو لپاره د نوښت سیالۍ برنامه جوړه شوه

د معاصرې ټکنالوژي څخه په ګټه اخیستنې د کرنیزو محصولاتو اخیستو څخه وروسته د ضایعاتو د مخنیوي حل لارو وړاندې کولو په موخه په کرنیز سکتور کې د ځوانانو د نوښت دویمه سیالۍ د روان کال د وري. . .

سه‌شنبه ۱۴۰۰/۱/۱۷ - ۸:۱۴
Background image

د کابل پوهنتون خدماتي کارګرانو لپاره د اور ضد الې په واسطه د اور لګېدو مهارولو پوهاوي برنامه جوړه شوه

د روان کال د وري په ۱۶ نېټه د دوشنبې په ورځ د اور ضد الې په واسطه د اور وژنې مهارولو څرنګوالي پوهاوي برنامه د کابل پوهنتون د مالي او اداري مرستیال، د دې پوهنتون د ځینو ادارو امرین،. . .

BACK TO NEWS

All Media

د سولې جوړونې په اړه د جمهور رئيس جلالتمآب محمد اشرف غنی د وینا دوهمه برخه

د سولې جوړونې په اړه د جمهور رئيس جلالتمآب محمد اشرف غنی د وینا لومړۍ برخه