داحصائیه او اکونومتری ډيپارټمنټ

پېژندنه

د احصائیې او اکونومټري ډیپارټمنټ د کابل پوهنتون د اقتصاد پوهنځي له مهمو علمي ډیپارټمنټونو څخه دی، چې د احصائیوي تحلیل، تطبیقي احصائیې او اکونومټري په برخو کې د مسلکي او متخصصو کادرونو د روزنې حیاتي رول لري. د احصائیې او اکونومټري ډیپارټمنټ په ۱۳۵۲ هـ.ش کال کې د کابل پوهنتون د اقتصاد پوهنځي تر چتر لاندې تأسیس شو. د دې ډیپارټمنټ درسي پروګرام د کریډېټ له سیسټم سره سم عیار شوی او محصلین د ملي کانکور د ازموینې له لارې په مستقیم ډول د احصائیې او اکونومټري د زده‌کړې لپاره دې ډیپارټمنټ ته ورپېژندل کېږي.

د کابل پوهنتون د احصائیې او اکونومټري ډیپارټمنټ د احصائیې او اکونومټري په برخو کې د تدریس، علمي څېړنې او تحلیلي فعالیتونو باندی بوخت دی. دا ډیپارټمنټ د محصلینو لپاره د نظري او عملي پوهې د برابرولو په موخه، د ډاټا د تحلیل میتودونو، اقتصادي موډل جوړونې او د احصائیوي سافټویرونو د کارونې ته ځانګړې پاملرنه کوي. د دې ډیپارټمنټ فارغان د دې وړتیا لري چې په دولتي او خصوصي سکتورونو او همدارنګه په ملي او نړیوالو بنسټونو کې د ډاټا پر بنسټ پېچلي اقتصادي تحلیلونه او اغېزمنې پرېکړې ترسره کړي.

لرلید

د افغانستان، سیمې او نړۍ په کچه د یوه مخکښ او معتبر تعلیمي پروګرام رامنځته کول، چې د اسلامي احکامو په رڼا کې د احصائیې او اکونومټري مسلکي متخصصین وروزي، څو د ډاټا پر بنسټ تحلیل، کمي او اقتصادي موډل جوړونه، او د عصري میتودونو په کارولو سره د شواهدو پر بنسټ پالیسي جوړونه، څېړنه او متشبثیت ترسره کړای شي.

ماموریت

• د کاري بازار، د هېواد د احصائیوي سیستم او اړوندو ادارو د اړتیاوو سره سم په احصائیه، اکونومټريکي موډل جوړونه، د ډاټا تحلیل او  ترڅنګ یې نورو تحلیلي ـ محاسبوي مهارتونو کې معیاري او باکیفیته زده‌کړې د عصري طریقو له لارې وړاندې کول؛

• د ټولنې او د هېواد د احصائیوي سیستم لپاره د اړتیا وړ متخصص کادرونه روزل، څو وکولای شي احصائیوي سروې‌ګانې طرحه، تطبیق او مدیریت کړي او د ډاټا د تحلیل او ماډل‌ جوړونې له لارې د اقتصادي پلان جوړونې، د پالیسیو د تدوین او نوښتونو په برخه کې اغېزمن رول ولوبوي.

 

اساسي موخې

1. د هېواد د علمي او پرمختيایې اړتیاوو سره سم د احصائیې او اکونومټري په برخو کې د مسلکي او متخصصو کادرونو روزنه؛

2. د ډاټا د تحلیل، علمي څېړنې او د شواهدو پر بنسټ د پالیسي جوړونې په برخه کې د ډیپارټمنټ د رول پیاوړتیا؛

3. د اسلامي ارزښتونو او مسلکي اخلاقو په چوکاټ کې د تدریس او څېړنې لپاره د مناسب چاپېریال برابرول؛

4. د هېواد د احصائیوي سیستم، کاري بازار او ملي او نړیوالو بنسټونو اړتیاوو ته اغېزمن ځواب ویل.

 

ښوونېزې موخې

1. د احصائیې، اکونومټري او د ډاټا د تحلیل په برخو کې د معیاري او باکیفیته زده‌کړو وړاندې کول؛

2. د محصلینو د وړتیا لوړول تر څو وکولای شي احصائیوي او اقتصادي معلومات راټول، تحلیل او تفسیر کړي؛

3. د اقتصادي پدیدو د تحلیل او وړاندوینې لپاره د کمي او اکونومټري اړوند موډل جوړونې د میتودونو تدریس؛

4. د احصائیوي او اکونومټري اړوند سافټویرونو په کارولو کې د محصلینو د عملي مهارتونو پیاوړتیا؛

5. په محصلینو کې د څېړنې روحیه، انتقادي تفکر او اخلاقي ژمنتیا روزل.

 

ارزښتونه

د احصائیې او اکونومټري پروګرام د خپل درسي نصاب په تدوین او تطبیق کې هغو بنسټیزو ارزښتونو ته ژمن دی، چې موخه یې د  متخصص، متعهد او د دیني او اخلاقي لارښوونو لرونکي نسل روزنه ده. دغه ارزښتونه عبارت دي له:

1. د دیني او ملي ارزښتونو او اسلامي شعایرو ساتنه، درناوی او رعایت؛

2. د عقیدوي، فکري، اخلاقي، علمي او مسلکي روحیې هر اړخیز پیاوړتیا؛

3. د اخلاص، تقوا او د عبادت د روحیې تقویه؛

4. اسلامي ارزښتونو ته ژمن، متدین او مسلکي مسلمان کادرونو روزنې ته پاملرنه؛

5. د دیني اصالت او د عصري او دنیاوي اړتیاوو پر بنسټ،  د دیني او عصري علومو ترمنځ د اړیکو د ټینګښت او توازن رامنځته کول.

د لسانس دورې تحصیلي نصاب

د مسلکي مضامینو لیکلړ/ لیست مضامین مسلکی/ Core Subjects
ګڼه	د مضمون ډول	کریډټ	د مضمون نوم په (پښتو)	نام مضمون ( به دری)	Name of Subject by (English)	دمضمون کوډ
۱	مسلکي	۳	احصائیه (۱)	احصائیه (I)	Statistics (I)	EC160
۲	مسلکي	۳	ریاضیات (۱)	ریاضی (I)	Mathematics (I)	EC140
۳	مسلکي	۳	د ډاټا د تحلیل پېژندنه	مقدمه‌ای بر تحلیل ارقام	‌‌Introduction to Data Analysis	EC170
۴	مسلکي	۲	احصائیه (۲)	احصائیه (II)	Statistics (II)	EC260
۵	مسلکي	۲	ریاضیات (۲)	ریاضی (II)	Mathematics (II)	EC240
۶	مسلکي	۳	احتمالات (۱)	احتمالات (I)	Probabilities (I)	EC340
۷	مسلکي	۲	احتمالات (۲)	احتمالات (II)	Probabilities (I)	EC430
۸	مسلکي	۳	د نفوس‌پوهنې بنسټونه (۱)	اساسات دموگرافی (I)	Fundamental of Demography (I)	EC534
۹	مسلکي	۳	استنباطي احصائیه (۱)	احصائیه استنباطی (I)	Statistics Inference I	EC538
۱۰	مسلکي	۳	د نفوس‌پوهنې بنسټونه (۲)	اساسات دموگرافی (II)	Fundamental of Demography (II)	EC534
۱۱	مسلکي	۳	ریاضيکي اقتصاد	اقتصاد ریاضیاتی	Mathematical Economics	EC532
۱۲	مسلکي	۳	استنباطي احصائیه (۲)	احصائیه استنباطی (II)	Statistics Inference II	EC538
۱۳	مسلکي	۳	د نمونې اخیستنې تخنیکونه	تخنیک های نمونه گیری	Sampling Techniques	EC634
۱۴	مسلکي	۳	عملي روزنه	کار آموزی	Internship	EC638
۱۵	مسلکي	۳	خطي پروګرام جوړونه	پروگرام سازی خطی	Linear Programming	EC733
۱۶	مسلکي	۳	د څېړنې میتودولوژي	روش تحقیق	Research Methodology	EC735
۱۷	مسلکي	۳	اکونومټري (۱)	اکونومتری (I)	Econometrics (I)	EC734
۱۸	مسلکي	۳	SPSS (احصائیوي سافټویر)	SPSS	SPSS	EC736
۱۹	مسلکي	۳	د ډاټا تحلیل	تحلیل ارقام	Data Analysis	EC833
۲۰	مسلکي	۳	اکونومټري (۲)	اکونومتری (II)	Econometrics (II)	EC734
۲۱	مسلکی	۴	سمینار	سمینار	Seminar	EC834
۲۲	مسلکي	۳	مونوګراف	مونوگراف	Monograph	EC835