داحصائیه او اکونومتری ډيپارټمنټ

الف. د ډيپارټمنټ پېژندنه:

د احصایې او اکونومټرۍ ډيپارټمنټ په ۱۳۵۲ کال کې تاسيس شو،په نوي درسي پلان کې چې په ۱۳۶۵ کال کې پلی کېده په دې ډيپارټمنټ باندې يې د ديموګرافۍ او احصائي نوم کېښود،په هغه وخت کې په کې اوو داخلي او يو خارجي استاد د تدريس چارې په مخ وړې،په ۱۳۷۴ کال کې يې نوم په احصايه او کمپيوټر باندې بدل کړ.په نوي نصاب کې دا ډيپارټمنټ د احصايي او اکونومټرۍ په نوم ثبت دی.

ب. د ‌ډيپارټمنټ موخې:

1. لرليد:

د احصائې ډيپارټمنټ ژمن دی چې نه يوازې په افغانستان بلکې په سيمه کې د معياري زدکړو او علمي څېړنو په وړاندې کولو سره د رهبرۍ دريځ ولري او د معياري او بې پرې روزنیزو خدماتو په وړاندې کولو سره د احصائي ،په اقتصاد کې د رياضي کارونې،د شمېرنو تحليل،ډيموګرافۍ او نفوس شمېرنې په برخه کې د معتبرو نړيوالو بنسټونو سره تړونونه ولري او په دې برخه کې خپل دريځ وساتي او نور يې هم پياوړی کړي.

2. مأموریت:

دا ډيپارټمنټ د احصايوي او په اقتصاد کې د رياضي کارونې د زدکړې د يوازينۍ څانګې په توګه د ورځې او شپې په برخو کې ژمنه ده ترڅو لاندې خدمات وړاندې کړي:

ـ د احصائي ،ديموګرافۍاود وګړو مطالعې په برخه کې د چوپړتياوو وړاندې کول؛

ـ د احصایو د راټولونې، د ارقامو د ډلبندۍ ،د استنباطي اوتشريحي احصايي په مرسته د ارقامو تجزيه او تحليل او د معاصرو مهارتو او زدکړې زمينه برابرول او په دې مسلکي برخه کې د محصلانو روزل.

. د وګړنيو مطالعاتو په برخه کې د پوهې اومهارتونود لېږد زمينه برابرول؛

د استادانو د ظرفيت لوړونې په موخه د لوړو زدکړو لپاره هغوی بهرنيو هېوادونوته استول؛

ج.تحصيلي نصاب (تخصصی مضامين)