استاد محمدحسین فلاح زاده خپل دوه علمي کنفرانسونه وړاندې کړل
د کابل پوهنتون د کرنې پوهنځي د نباتاتو د ساتنې څانګې استاد ښاغلي پوهاند محمد حسین فلاح زاده د علمي ترفیع په موخه خپل دوه علمي کنفرانسونه د روان کال د لړم میاشتې په لومړۍ نېټه د زراعت پوهنځي د رئیس، استادانو او محصلینو په حضور کې ددغه پوهنځي د کنفرانسونو په تالار کې وړاندې کړل.
د استاد فلاح زاده د کنفرانسونو عنوانونه:
- په لابراتواری او کرنیزو شرایطو کې د ناروغي تولیدوونکو قارچونو د تاثیراتو څیړنه په کنو باندې.
- د بدخشان ولایت له خاورو څخه د ازاد اوسیدونکو نیماتودونو پیژندنه او بیلوونه.
پدې کنفرانس کې استادانو او محصلینو د پروفیسور فلاح زاده د کنفرانسونو د عنوانونو او محتوا په اړه خپل نظرونه او پوښتنې وړاندې کړې، چې د استاد له خوا ورته ښه راغلاست او د استادانو پوښتنو ته ځوابونه وویل شول.
