د برېښنا او الکترونیک انجینرۍ ډيپارټمنټ د ماسټرۍ د دفاع برنامه پیل شوه
د کابل پوهنتون انجینرۍ پوهنځي د برېښنا او الکترونیک ډیپارټمنټ د فارغانو لپاره د ماسترۍ برنامې تزس د دفاع برنامه د جدی میاشتې په ۱۴مه نیټه پیل شوه. پدې غونډه کې د پوهنتون مرستیالانو، د انجینرۍ پوهنځي رئیس او استادانو برخه اخیستې وه.
د انجینرۍ پوهنځي رئیس دکتور عبدالقیوم کریم ګډونوالو ته د ښه راغلاست تر څنګ د یادې پوهنځي د برېښنا او الکترونیک ماسټرۍ برنامې د لاسته راوړنو او ستونزو په اړه هر اړخیز معلومات وړاندې کړل.
د کابل پوهنتون د محصلانو چارو مرستیال استاد صلاح الدین ایوبي د خپلو خبرو په ترڅ کې د انجینرۍ پوهنځي د رهبرۍ او استادانو له هڅو مننه وکړه او ورته یې د فارغ التحصیل محصلینو د فراغت مبارکي وویله.
په دې دوره کې د انجینرۍ پوهنځي د برېښنا او الکترونیک ډیپارټمنټ ماسټرۍ له برنامې څخه ۱۱ تنه فارغ شول. چې د دغه فارغ التحصیل محصلینو د تزس دفاع برنامه به په 3 ورځو کې تر سره شي.
