په کابل پوهنتون کې د پرانیستې حکومتوالي علمي سمینار جوړ شو

د پرانیستې حکومتوالي اونۍ د غوايي په ۲۷ نېټه پیل، «د پرانیستې حکومتوالي علمي سمینار» د روان کال د غبرګولي په درېمه نېټه د دوشنبې په ورځ د ولسمشري ماڼۍ د عالي مقام دفتر – د پرانیستې حکومتوالي سکرتریت له لوري د لوړو زده کړو وزارت د مالي او اداري مرستیال ښاغلي نوراحمد درویش، د کابل پوهنتون رییس پوهاند دکتور محمد عثمان بابري، د پوهنتون د محصلینو چارو مرستیال، د روڼتیا سکتور امر او د ولسمشرۍ ماڼۍ د عالي مقام دفتر یو شمېر مسوولینو، د پوهنځیو رییسانو، استادانو او د کابل پوهنتون سلګونو محصلینو په ګډون د کابل پوهنتون د غونډو په مرکزي تالار کې جوړ شو.

ویناوالو پدې سمینار کې د پرانیستې حکومتوالي، د پرانیستې حکومتوالي اړتیاوې، د پرانیستې دولت ګټې او ځانګړنې، د پرانیستي حکومتوالي په پیاوړتیا کې د اکاډمیکو بنسټونو رول او ...  مفاهیم او مسایلو باندې خبرې وکړې او د دې معلوماتو د وړاندې کولو ترڅنګ یې د پرانیستې حکومت والي نړۍ وال نوښت کې د افغانستان د غړیتوب بهیر، چې اوس یې تقریبآ ۸۸ هیوادونه غړيتوب لري او پرانیستې حکومتوالي ته متعهد دي هم خبرې وکړې. د دې برنامې په بله برخه کې ګرد مېز جوړ شوی وو، چې په هغه کې د پرانیستې حکومتوالي په اهمیت او رول، د پرانیستې حکومتوالي اغېز، په پرانیستې حکومتوالي کې د اکاډمیکو بنسټونو رول، په افغانستان کې پرانیستې حکومتوالي او هغه ته د افغانستان اړتیا او ... موضوعاتو باندې خبرې اترې وشوې او وروسته د ګډون کوونکو او د دې علمي سمینار د میز د غړو له لوري پوښتنو او ځوبونو سره پایته ورسېده.

د افغانستان دولت په ۱۳۹۵ هـ.ل کال کې د دې نړۍ وال نوښت غړیتوب ۸۵٪ معیارونه تر لاسه کړي دي، باید « په حکومتوالي کې د نوي ټکنالوژي څخه ګټه اخیستنه / Digital Government»، «عامه ګډون / Public Participation »، «حساب ورکوونه / Accountability» او «روڼتیا/ Transparency»، مهم دي. د کابل پوهنتون رییس پوهاند دکتور محمد عثمان بابري د وینا پربنسټ، چې یواځې دموکراسي ته پراختیا نه ورکوي بلکې بشري حقونه هم تضمین او تامینوي متعهد باقي پاتې کیږي، چې پدې توګه په ۱۳۹۷ کال کې ولسمشر د جمهوري ریاست دفتر تشکیلاتو د پرانیستې حکومتوالي سکرتریت منظور کړ. دې سکرتریت تر اوسه پورې ۱ او ۲ دوه ملي برنامو طرحې عملي کړي او اوس ۳ ملي عمل برنامه په حرکت کې ده، چې لویې موخې یې په حکومتوالي کې د ملي پالیسیو طرحه او تدوین دی او تر زیاته په پرانیستې حکومتوالي کې په عامه پوهاوي به تمرکز ولري.