په کابل پوهنتون کې د تضمین کیفیت د نویو چک لېستونو په اړه د پوهاوي ورکشاپ جوړ شو
نن دوشنبې د روان کال مرغومي میاشتې په ۵ مه نېټه د پوهنتون د مرستیالانو، پوهنځیو رئیسانو، دیپارتمنتونو د آمرینو، د پوهنځیو د تضمین کیفیت کمېټو مسئولینو او همدارنګه د پوهنتون اداري څانګو د آمرینو په حضور کې د تضمین کیفیت د نویو چک لېستونو او د اعتبار ورکولو د سند د ساتلو په اړه د پوهاوي ورکشاپ ترسره شو.
ددغه ورکشاپ موخه د تضمین کیفیت د نویو چک لېستونو او د اعتبار ورکولو سند ساتنې د جزیاتو په اړه د ګډونوالو بلدتیا او ظرفیت لوړول دي. دغه ورکشاپ د کابل پوهنتون د تضمین کیفیت آمریت لخوا په لاره اچول شوی چې څلور ورځې به ادامه وکړي.
پدې ورکشاپ کې د کابل پوهنتون څلور تنه استادان چې د تضمین کیفیت په برخه کې لوړه پوهه لري د روزونکو په توګه به ګډونوالو ته د تضمین کیفیت پروسې په اړه معلومات ورکړي. د یادونې وړ ده چې د دغه ورکشاپ لومړۍ دوه ورځې به نظري او وروستۍ دوه ورځې به یې عملي وي.
