له ۱۵۰ تنو څخه زیاتو محصلینو د کمپیوټر او عربي ژبې زده کړې وکړې
د کابل پوهنتون ګڼو پوهنځيو له ۱۵۰تنو څخه زیاتو محصلینو چې په مرکزي لیلیه کې اوسیږي؛ د عربي ژبې او کمپیوټر پروګرامونو۳میاشتنۍ زده کړې وکړې.
نوموړی زده کړییز پروګرام د محصلانو انسجام آمریت لخوا د کمپیوترساینس پوهنځي استادانو، د بهرنیو ژبو او ادبیاتو پوهنځي عربي څانګې څلورم ټولګي محصیلنو او همدارنګه د مرکزي لیلیې عمومي مدیریت په همکارۍ په لاره اچول شوی وو.
هغه محصلینو چې په یاد زده کړییز پروګرام کې برخه اخیستې وه؛ د پوهنتون مالي او اداري چارو مرستیال ښاغلي حافظ عبیدالله عبیده، د کمپیوتر ساینس پوهنخي رئیس او استادانو، د عربي څانګې استادانو، نشراتو آمر، د محصلانو خدماتو انسجام آمریت او مرکزي لیلیې عمومي مدیر په شتون کې تصدیق پاڼې پرې وویشل شوې.
په دې پروګرام کې ویناوالو د تکنالوژۍ او عربي ژبې پر اهمیت خبرې وکړې او دې برخو ته یې د محصلینو د پام کولو غوښتنه وکړه.
