د Lumpy Skin Disease ناروغۍ د پېژندې، کنترول او درملنې په اړه په کابل پوهنتون کې کنفرانس تر سره شو

ناپیژنده (not verified)
سه‌شنبه ۱۴۰۱/۵/۱۸ - ۱۵:۵۷
9pic

پدې وروستیو کې د هېواد په بېلابېلو ولایتونو په غواګانو کې د Lumpy Skin Disease  د ناروغۍ د خپرېدو په اړه راپورونه خپاره شوي چې په همدې وجه د یادې ناروغۍ د پېژندنې، کنترول او درملنې تر عنوان لاندې کنفرانس د کابل پوهنتون د وترنري علومو پوهنځي لخوا د کرنې وزارت، د عامې روغتیا وزارت او د کابل ښاروالۍ د استازو په ګډون جوړ شو.

 لومړی د کابل پوهنتون د وترنري علومو پوهنځي رئیس پوهاند دکتور شیرشاه سادات د موضوع په اړه هر اړخیزې خبرې وکړې او له رسنیو یې وغوښتل چې هغه څه چې پدغه کنفرانس کې د Lumpy Skin Disease  په اړه بیانېږي تر عامو خلکو پورې ورسوي.

ورپسې د وترنري پوهنځي استاد ښاغلی پوهنوال ډاکټر اسدالله صمدی د Lumpy Skin Disease د ناروغۍ په اړه ګډونوالو ته علمي معلومات وړاندې کړل او ویې ویل چې یاده ناروغي انسانانو ته نه انتقالېږي او په څارویو کې د درملنې وړ ده هغه زیاته کړه چې په نړۍ کې ددغه ناروغۍ پر وړاندې اغېزمن واکسین وجود لري او د کرنې وزارت یې باید هیواد ته وارد کړي.

پدغه کنفرانس کې د کرنې وزارت د څارویو د روغتیا ریاست استازي ډاکټر ابراهیم فروتن د کابل پوهنتون د رهبرۍ څخه ددغه کنفرانس د جوړولو په پار مننه وکړه او د هېواد په بېلابېلو سیمو کې یې د یادې ناروغۍ د پېښو په اړه معلومات وړاندې کړل او پدې اړه یې د کرنې او مالدارۍ وزارت کړنې وستایلې او زیاته یې کړه چې ډیر ژر به په ټول هېواد کې ددغه ناروغۍ ضد واکسینو کمپاین پیل کړي.

دغه راز د عامې روغتیا وزارت د سرویلانس ریاست استازي ډاکټر نصیر احمد ستانکزي پدې کنفرانس کې وویل چې د دوی اداره چمتو ده چې پدې برخه کې د اړونده بنسټونو سره مرسته وکړي په وروستیو کې ډاکټر صمدي د یاد کنفرانس پایلې بیان او له رسنیو یې و غوښتل چې ددغه ویرویس د مخنیوي او درملنې د لارو چارو په اړه خلکو ته معلومات وړاندې کړي.

تازه خبرونه

سه‌شنبه ۱۴۰۲/۱۲/۸ - ۱۲:۵۸
Background image

د بې سرحده ډاکټرانو دفتر یا (MSF) د ۱۰۰۰ په شاوخوا کې د فارمسي پوهنځۍ د زده کړیالانو لپاره د سپینو چپنو مرسته وکړه

 په همدې تړاو جوړو شویو مراسمو کې د کابل پوهنتون فارمسي پوهنځۍ رئیس پوهنوال آقا محمد ژکفر په خپلو خبرو کې د بې سرحده ډاکټرانو له مرسته مننه وکړه او دغه راز یې له دوی څخه وغوښتل چې د. . .

پنجشنبه ۱۴۰۲/۱۲/۳ - ۱۴:۲۶
Background image

په ځمکپوهنه پوهنځي کې د یخچالونو ساتنې او ارزونې په تړاو ۵ ورځنی ورکشاپ پای ته ورسېد

د روان کال کب میاشتې په ۳ نېټه د کابل پوهنتون په ځمکپوهنه پوهنځي کې د اوبو سرچینو، یخچالونو ساتنې، څارنې، ارزونې او تحلیل په اړه جوړ شوی ۵ ورځنی ورکشاپ پای ته ورسېد.

نوموړي ورکشاپ ۵. . .

چهارشنبه ۱۴۰۲/۱۲/۲ - ۱۶:۲۴
Background image

د محصلینو لپاره ۱۵ ورځینی فکري او روزنیز سمینار پای ته ورسېد

په دې سمینار کې د مرکزي حوزې له پوهنتونو څخه له (۳۰۰) تنو څخه زیاتو محصلینو ګډون کړی وو او همدارنګه نوموتو علماوو لخوا د ۱۵ ورځو په لړ کې  هغوی ته مهم دیني، عقیدتي، فکري، او اصلاحي. . .

BACK TO NEWS

گالری رسانه

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون د رغنيزو چارو په جریان کي نن د لوړو زده‌کړو وزارت او کابل پوهنتون ترمنځ د نښلونکي سړک د پراخوالي چاري پیل شوې.

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

له نرم او ښایسته باران وروسته د کابل پوهنتون دښایسته انګړ د عکسونو البوم