د کابل پوهنتون رهبري شورا غونډه ترسره شوه
دکابل پوهنتون رهبري شورا غونډه د روان کال سلواغې میاشتې په ۲۲ نیټه د پوهنتون رئیس او مرسیتالانو په شتون کې دایره شوه، چې د پوهنتون په اړینو موضوعاتو یې بحث او دنظر تبادله ترسره شوه.
په دې جلسه کې دکابل پوهنتون رئیس ښاغلي دکتور اسامه عزیز د دیني ــ علمي سیمینار په اړه خبرې وکړې، دیاد سیمینار په چمتووالي او همدارنګه د استادانو په ګډون یې ټینګار وکړ.
دیني ــ علمي سیمینار د لوړو زده کړووزرات لخوا دروان کال سلواغې میاشتې په ۲۲مه نېټه په کابل پوهنتون کې ترسره کیږي او ۳ ورځې به دوام وکړي.
په پام کې ده، علمي ــ دیني سیمینار به د لوړو ززده کړو وزارت لخوا په کابل پوهنتون کې ترسره شي، چې د کابل پوهنتون استادانو او مسؤلینو ترڅنګ به د کابل طبي علومو، پولتخنیک، ښوونې او روزنې پوهنتونو استادان او مسؤلین هم ګډون وکړي.
