عربي ډيپارټمنټ

الف  .پیژندنه:

په ۱۳۲۳ لمریز کال کې د ژبو او ادبیاتو پوهنځي له تاسیس وروسته د نورو مضمونونو ترڅنګ؛ لکه: دري، پښتو ، پښتو اد دري ادبي فونونو، فلسفه، روحانيت، تاريخ او جغرافيه، انګليسي ژبه، عربي ژبه هم تدريس کېږي. په ۱۳۴۵ هجري لمریز کال کې د عربي ډيپارټمنټ د ادبیاتو پوهنځي په چوکاټ کې خپلو فعالیتونو ته دوام ورکړ. د خپل فعالیت په پیل کې د عربي ډيپارټمنټ تدریسي چارې د عربي هېواد مصر د الازهر پوهنتون د استادانو له خوا پر مخ وړل کېدې او د دې ډيپارټمنټ نصاب هم د دغه پوهنتون د لغتونو پر بنسټ جوړ شوی و. دې ډيپارټمنټ خپل لومړني فارغان په ۱۳۴۸ لمریز کال کې د لیسانس په کچه ټولنې ته وړاندې کړل.

د دې ډيپارټمنټ تدریسي چارې د خپل علمي ژوند په لومړیو کلونو کې د مصري استادانو له خوا د هغه مهال د شته تفاهم لیک له مخې پرمخ وړل کېدې، تر دې چې ورو ورو داخلي استادان د عربي استادانو په ځای، ځای پر ځای شول. او دغه مصري استادان، چې په ۱۳۵۷ کال کې له هېواده ووتل نو دغو استادانو په دې ډيپارټمنټ کې د تدریس دنده په غاړه واخیسته. د دې ډيپارټمنټ له جوړېدو وروسته په لومړيو کلونو کې استادان د لوړو زده کړو لپاره عربي هېواد مصر ته ولېږل شول، چې له ۱۳۵۷ کال را وروسته دغه راشه درشه ودرېده .

په عربي ډيپارټمنټ کې د ورځې او شپې په برخو کې شاوخوا ۳۵۰ محصلین په زده کړو بوخت دي. دا ډيپارټمنټ ټولټال ۱۲ تنه استادان لري ، چې پنځه یې د دوکتورا، پنځه یې د ماسټرۍ او درې نور یې د لیسانس سندونه لري.

ب . موخې:

۱. لیدلوری:

د کابل پوهنتون په همکارۍ د دې ډيپارټمنټ د متخصصو کارکوونکو د روزلو او په بېلابېلو برخو کې د متخصصو کارکوونکو د روزلو په برخه کې یو معتبر ملي او نړیوال مرکز ته وده ورکول دي. نوموړي ډيپارټمنټ په پام کې لري چې ډېر ژر د ماسټرۍ او دوکتورا پروګرامونه هم پیل کړي.

۲. ماموریت:

د عربي ژبې په ډګر کې د عملي مهارتونو د ودې لپاره د ساحو رامینځته کول د تعلیم او روزنې په برخه کې د متخصصو بشري سرچینو چمتو کولو لپاره د ساینسي کارمندانو د هڅو له لارې ژمن، تخلیقي او وړ زده کونکو ته روزنه ورکول.

۳. بنسټيزې موخې:

د دې ډيپارټمنټ د جوړولو یوه بنسټيزه موخه دې ژبې ته د مجهز کادري غړو وړاندې کول دي، ځکه عربي ژبه په اسلامي هیوادونو کې د اسلامي ژبې په توګه پیژندل کیږي او افغانستان هم ترې مستثنی نه دی. د دې ډيپارټمنټ فارغان کولی شي په اسانۍ سره په دولتي ښوونځیو، دیني مدرسو او دولتي دفترونو کې کار وکړي. د دې ډيپارټمنټ د تعلیمي اهدافو څخه یو دا دی چې د عربي علومو او پوهې سرچینې وکاروي. د عربي ژبې تدریس زده کونکو ته دا وړتیا ورکوي چې د بډایه عربي سرچینو څخه ډیره ګټه پورته کړي.

دا ډيپارټمنټ د هیواد د بنسټیزو اړتیاوو سره سم د هیواد د ځوان نسل د روزلو په موخه جوړه شوې، ترڅو ځوانان له عربي علمي سرچینو څخه ګټه پورته کړي. دا ډيپارټمنټ کولی شي یو شمیر کسان د هیواد په ښوونځیو کې د تدریس لپاره وروزي او یو شمیر یې د عربي او ملي ژبو ترمنځ د علومو د ژباړې او لیږد په برخه کې کار وکړي.

ج. توأمیتونه:

عربي ډيپارټمنټ په څلوېښتمه لسیزه کې د الازهر پوهنتون سره د تاریخي ملګرتیا پر بنسټ خپل فعالیت پیل کړ. او د همدې یاددښت پر بنسټ هر کال مصر ته یو شمېر استادان استول کېدل او له عربي هېواد مصر څخه هم یو شمېر استادان د تدریس په موخه دغې ډيپارټمنټ ته را تلل، چې په دې ډيپارټمنټ کې د تدریسي بهیر د څارنې او مدیریت په موخه چارې تر سره کړي ، خو له 1357 کال څخه وروسته دغه مرستې او هوکړې په وقفيي ډول وې او په جدي توګه یې دوام نه دی کړی.

د . لابراتوار او ښوونیز تجهیزات:

په عربي ډيپارټمنټ کې ځانګړی کتابتون نشته او د استادانو په خونه کې ګڼ شمېر کتابونه شته چې د استادانو په شخصي هڅو برابر شوي او په دې برخه کې د مجهز او تخصصي کتابتون د جوړولو اړتیا ده. په ډيپارټمنټ کې د استادانو په خونو کې کمپيوټر شته او په دې ډيپارټمنټ کې د انټرنېټ سيسټم فعال دى او استادان ترې ګټه اخيستلاى شي.

هـ . تحصیلي نصاب ( تخصصي مضمونونه )