د روسي ژبې ډيپارټمنټ

الف. پېژندنه:

 روسي ژبه د زیاتو ځانګړنو په درلودلو سره د کابل پوهنتون درسي نصاب ته لاره پیدا کړې، چې له یوې زاویې څخه دغه ژبه د هندو اروپايي ژبو له ډلې څخه ده او هم له رسمي ژبو پښتو او دري سره نږدې والی لري. له بلې خوا روسي ژبه د نړۍ یو له علمي او نړیوالو ژبو څخه ده. زموږ هېواد ته د پخواني شوروي اتحاد جغرافيايي نږديوالي او د پخواني شوروي اتحاد اوسني ګاونډ کې چې روسي ژبه يې د دويمې او لومړۍ ژبې حيثيت لري او په ټوليزه توګه د سوداګريزو او فرهنګي اړيکو لپاره يې د زده کړې اړتيا ده.

د روسي ژبې ډيپارټمنټ د نصاب په اړه باید وویل شي چې نصاب د پخواني شوروي اتحاد د استادانو او ساینسي کارکونکو لخوا د ډيپارټمنټ د تاسیس په وخت کې طرح شوی و او څو څو ځله بیا تعدیل شوی دی. په دې وروستیو کلونو کې په دغه نصاب کې بدلونونه راغلي دي، خو د دغه نصاب د تازه کولو په موخه، چې د کابل پوهنتون د رهبرۍ له لوري ورته اشاره او ټینګار شوی، په دې وروستیو کې په دې تړاو څو ځانګړې غونډې جوړې شوې.

ب. ښوونیزې موخې:

۱- لیدلوری:

دا ډيپارټمنټ د هر پوهنتون په چوکاټ کې د یو علمي او ساینسي مرکز په توګه یو له مرکزي علمي مرکزونو څخه ده، چې مسؤلیت یې د معاصر ساینسي پوهې سره د زده کونکو روزنه او تجهیز کول او د ټولنې اړتیاوو په پام کې نیول دي.

۲- ماموریت:

زموږ دنده دا ده چې د پوهنتون اکاډمیک او ساینسي برنامې د هغې د یو اصلي مرکز په توګه بشپړې کړو. د تدریس او څیړنې معیاري کول او د ډيپارټمنټ د تعلیمي او تدریسي کچې لوړول د سیمې او نړۍ له مخکښو پوهنتونونو سره برابرول او ټولنې ته په اوسني پوهه سمبال یو لوستي نسل جوړول او وړاندې کول.

۳- بنسټي موخې:

په تېرو دوو پېړيو کې روسي ژبه په نړۍ کې تر ټولو مهمه علمي ژبه ګرځېدلې ده. په شلمه پېړۍ کې د روسانو علمي، او تخنيکي لاسته راوړنې او نن ورځ د روسي ژبې د اهميت ثبوت دی. نن ورځ، روسیه لوی علمي مرکزونه لري چې نړیوال اهمیت لري. له همدې امله، د روسیې د ساینسي تاسیساتو نړۍ ته د ننوتلو او د هغې کارولو لپاره د روسیې ژبې تدریس او زده کړه خورا مهمه ده.

ټولنې د ته متعهدو، بامسولیته، مجربو، متخصصو، مسلکي او په اسلامي او ملي روحیه سمبال کادرونو وړاندې کول، له روسي ژبې څخه ملي ژبو او له ملي هغو څخه روسي ژبې ته د پوهې انتقال، ټولنې د اړتياو د پوره کولو او روسي ژبو وګړو ته د لوړ اسلامي کلتور ورپيژندلو په موخه د روسي ژبې د تکړه او مجربه استادانو او ژباړونکيو روزنه، د دې ډيپارټمنت له موخو څخه دي.

ج. تحصیلي نصاب ( تخصصي مضمونونه )