اسپانیایي ډيپارټمنټ

الف. د ډيپارټمنټ پېژندنه:

په ۱۳۵۹ لمریز کال کې د کابل پوهنتون د ژبو او ادبیاتو پوهنځي په چوکاټ کې د اسپانیایي ژبې او ادبیاتو ډيپارټمنټ تاسیس شو. اسپانیایي ژبه د نړۍ له معتبرو ژبو څخه ده چې د نړۍ کابو اته سوه میلیونه وګړي پرې خبرې کوي. سربېره پر دې د هغو ژبو له جملې ده چې پرمختګ کوي او د ملګرو ملتونو له رسمي ژبو څخه ده. د اروپا او نورو لویو وچو اوسني عصر اکثر ځوانان د دې ژبې سره د شوق او علاقې له مخې د دې ژبې زده‌کړې ته لېوال دي. د دې ډيپارټمنټ تحصیلي نصاب د اسپانیا او د لاتینې امریکا د معتبرو پوهنتونونو سره په همغږۍ جوړ شوی دی چې د اوسني عصر د غوښتنو او اړتیاوو ځواب هم پوره کوي. د دې نصاب مضمونونه د کاري بازارپه نظر کې نیولو سره ټاکل شوي دي. یاده ډيپارټمنټ په هرو درېیو کلنو کې د تجربې او د کرېډېت سیستم د لایحې په اساس او د ډيپارټمنټ لخوا د لازم‌ګڼلو په صورت کې تعدیلوي.

د اسپانیایي ژبې او ادبیاتو ډيپارټمنټ دوره د نورو ډيپارټمنټونو په څېر څلور کلنه ده، چې په څلور کلنه دوره کې د ۱۵۱ کرېډېته درس ویل کیږي. چې په اساسۍ مضمونونو، اختصاصي مضمونونو، اختیاري مضمونونو،پوهنتون شموله مضمونونو او مونوګراف باندې وېشل شوي دي. په دې ډيپارټمنټ کې زده‌کړه د سمعي او بصري وسایلو لارې تر سره کیږي چې له زده‌:ړه‌ییزو فلمونو، د راډیويي برنامو او پروجکتور څخه پکې ګټه اخیستل کیږي چې د محصلانو سهم پکې ډېر بارز دی. .

څرنګه چې لیدل کیږي د لوړوزده‌کړو وزارت په پام کې لري د نړۍ له پوهنتونونو سره د توامیتونو له لارې افغانستان په پوهنتونونو کې د تدریس مېتود په نړۍ کې د نورو پوهنتونونو د تدریس مېتود سره په نړیوالو معیارونو برابر کړي. چې له دې کړنې سره به د استادانو او محصلانو لپاره اسانتیاوې رامنځ ته شي او د لوړو زده‌کړو کیفیت به لانور لوړ شي. په دې بنسټ د اسپانیاي ژبې او ادبیاتو ډيپارټمنټ سیمینارونه ایرایه کوي، ګروپي کارونه په لاره اچوي او بحثونو ته لاره پرانیزي.

ب. د ډيپارټمنټ موخې:

1. لیدلوری:

د اسپانیاي ژبې او ادبیاتو ډيپارټمنټ ارتقا یوه معتبر، علمي او اکاډمیک مرکز ته په ملي او نړیواله کچه د زده‌کړې، څېړنې او نورو علمي برنامو له لارې.

2. ماموریت:

د کابل پوهنتون د ژبو او ادبیاتو پوهنځي د اسپانیاي ژبې او ادبیاتو ډيپارټمنټ یو علمي او اکادمیک مرکز دی چې د اسپانیايي ژبې او ادبیاتو په برخه کې هر کال په معیاري توګه محصلان روزي. د یادشوي ډيپارټمنټ فارغان وروسته له فراغته لاندې اساسي او عمده مهارتونه چې د دې ډيپارټمنټ لخوا ورته ټاکل شوي دي؛ زده کوي.

3. اهداف اساسی:

• ټولنې د ته متعهدو، بامسولیته، مجربو، متخصصو، مسلکي او په اسلامي او ملي روحیه سمبال کادرونو وړاندې کول.
• د ټولنې د اړتياو د پوره کولو او اسپاني ژبو وګړو ته د لوړ اسلامي کلتور ورپيژندلو په موخه د اسپانیاي ژبې د تکړه او مجربه استادانو او ژباړونکيو روزنه.
• له اسپانیايي ژبې څخه ملي ژبو او له ملي هغو څخه اسپانیايي ژبې ته د پوهې انتقال.
• په بېلابېلو علمي برخو کې د مقالو او کتابونو ژباړه.
• د اسپانیايي ژبې له ادبي او علمي اثارو څخه ښه ګټه اخیستنه.
• د اسپانیايي ژبو هېوادونو له علمي، فرهنګي، اقتصادي، صنعتي او تجارتي منابعو ته لاسرسی.

ج. تحصیلي نصاب (تخصصي مضمونونه)