لیدلوری، مأموریت او موخې

لیدلوری:

د معلوماتي ټکنالوژۍ مرکز موخه دا ده چې د نوښت، پرمختللو ټکنالوژیو او اغېزناکو میتودونو په کارولو سره د معلوماتي ټکنالوژۍ په ډګر کې د کابل پوهنتون د ستراتیژۍ د پیاوړتیا لپاره معیاري او پایدار خدمات وړاندې کړي.

مأموریت:

د معلوماتي ټکنالوژۍ مرکز دنده لري چې د نوې ټکنالوژۍ په کارولو سره د کابل پوهنتون استادانو، کارکوونکو او محصلینو ته باکیفیته تخنیکي، تعلیمي او معلوماتي خدمات وړاندې کړي، او د پوهنتون د اداري، علمي او تخنیکي سیستمونو د اغېزمن مدیریت، پراختیا او ملاتړ زمینه برابره کړي.

اساسي دندې:

1. د استادانو، کارکوونکو او زده کړیالانو لپاره د انټرنېټي خدماتو برابرول او مدیریت.
2. په سټوډیو کې د ویډیویي زده کړه ییز موادو ثبت، ایډیټ او نشر.
3. د امنیتي کمرو نصب، کنټرول، څارنه او تخنیکي ملاتړ.
4. د سافټویر اړوند ستونزو حل او تخنیکي ملاتړ برابرول.
5. د سخت غالي ستونزو تشخیص، ترمیم او ساتنه.
6. د (ku.edu.af) ډومېن له لارې د رسمي برېښنالیکونو جوړول او مدیریت.
7. د پوهنتون په ویبپاڼه کې د علمي، اداري او معلوماتي محتواوو نشر او تازه کول.
8. د بایومیټریک سیسټمونو (Access Control, Attendance, Real-time) کنټرول او څارنه.
9. په لابراتوارونو کې د زده کړیالانو لپاره د زده‌کړې اسانتیاوې برابرول.
10. د ویډیو کنفرانسونو تنظیم او مدیریت (ملي او نړیوال).
11. د IT تجهیزاتو (ستخت غالي او پوست غالي) نظارت، ساتنه او مدیریت.
12. د روزنیزو پروګرامونو، ورکشاپونو او تخنیکي روزنو تنظیم.
13. د نوو معلوماتي سیستمونو طرحه، پراختیا او د موجوده سیستمونو اصلاح او بهبود.

موخې:

• د معلوماتي ټکنالوژۍ د پرمختللو او اغېزناکو پروګرامونو طرحه او پلي کول؛
• د شبکې، سرورونو، سخت غالي او پوست غالي د تخنیکي چارو اغېزمن کنټرول او مدیریت؛
• د ملي او نړیوالو معیارونو سره سم د معلوماتي ټکنالوژۍ اسانتیاوو پراختیا؛
• د پوهنتون د علمي او اداري چارو د ډیجیټلي کېدو پیاوړتیا؛
• د کاروونکو لپاره د چټکو، خوندي او باکیفیته IT خدماتو وړاندې کول.