د پوهنځی د ماسټرۍ برنامې معرفي
لکه څرنګه چې په ملي او نړيواله سطحه د جزائي قواعدو او جنائي علومو شتون يو لازمي شی ګڼل کېږي، په همدې ډول د جزا حقوقو او جنائي علومو په ډيپارټمنټ کې د تحصيلي پروګرامونو شتون د حقوقو په پوهنځيو کې مهم او بنسټي دی. له همدې مخې د جزا حقوقو او جنايي علومو د ماسټرۍ برنامې تل مسلکي او مجربو کادرونو ته کوشش او هڅه کړې ده، ترڅو د جزا حقوقو او جنايي علومو ډېر مهم مضامين د دغې برنامې محصلينو ته تدريس کړي. د دغې برنامې موخه د جزا حقوقو د متني او شکلي قواعدو په اړوندو موضوعاتو، له جرمونو سره د مبارزې په لارو چارو او د مجرميت له پديدې سره د مبارزې په خاطر د جرمي لاملونو او عواملو د موندلو په برخه کې د دغه پوهنځي د محصلانو د علمي او عملي پوهې او وړتياوو د سطحې لوړول دي. دغه برنامه به تل دا کوشش او هڅه کوي، ترڅو عدلي او قضائي بنسټونو ته مسلکي او متخصص اشخاص وړاندې کړي او له يوې خوا د هغې مهمې موخې چې د ټولو لپاره عدالت ته له لاسرسي څخه عبارت ده، د ترلاسه کولو سبب شي او له بلې خوا د شکمن، تورن او مجني عليه د انساني حقوقو او کرامت د استنې او له مجرم څخه د بې ګناه د توپيرونې سبب وګرځي، ترڅو عدالت په ښه شکل تامين شي. د دغې برنامې ډېره مهمه موخه د جنائي عدالت د تامينولو په خاطر عدلي او قضائي بنسټونو ته د مسلکي کسانو روزل دي.