د نقاشۍ ډیپارټمنټ

الف. پیژندنه

د نقاشۍ ډيپارټمنټ په ۱۳۴۵ کال کې د کابل پوهنتون د ادبیاتو او بشري علومو د پوهنځي په چوکاټ کې د نقاشۍ د کورسونو په جوړولو سره را منځته شو او په ۱۳۵۷ هجري لمریز کال کې یې د لومړۍ دورې محصلین فارغ کړل. د دې ډيپارټمنټ بنسټ ایښودونکي استاد امان الله حیدرزاد، عنایت الله شهراني او د هغه وخت ولسمشر سردار محمد داود خان وو. د انځورګرۍ ډيپارټمنټ په ۱۳۶۳ هجري لمریز کال کې د موسیقۍ، تصویري او ګرافیک هنرونو ډیپارټمنټ په جوړولو سره په یوه پوهنځي بدله شوه.

ب. زده کړه یزې موخې

1. لیدلوری

د نقاشۍ ډيپارټمنټ د کابل پوهنتون د ښکلو هنرونو د پوهنځي په چوکاټ کې د ځېرک، نوښتګر، زړه سواندي، ژمن او مسلکي نسل د روزلو او د هنري اثارو د رامنځته کولو په موخه کار کوي. دا ډيپارټمنټ د مسلکي متخصصینو د روزلو په برخه کې هڅه کوي چې د انځورګرۍ کمیتي او کیفیتي کچې ته وده ورکړي او د دې ډيپارټمنټ روزل شوې طبقه به د هدف لرونکو متخصصینو په توګه د دې فرهنګ، ملي او دیني هویت په خپرېدو کې لوی رول ولوبوي.

2. ماموریت

د نقاشۍ په برخه کې د مسلکي او ځيرکو متخصصینو روزنه.

په افغانستان کې د نقاشۍ د زده کړو د خدمتونو معیاري کول.

د نقاشۍ ډيپارټمنټ د کمیت او کیفیت له پلوه د یوه بنسټ په توګه چې په ملي او نړیواله کچه له تعلیمي اعتبار سره معرفي کول او ځانګړي هنري ویاړونه تر لاسه کول.

د هیواد په لوی فرهنګي او هنري مدیریت کې برخه اخیستل، د اثارو د جوړولو له لارې د ملي او اسلامي کلتور او ارزښتونو پراختیا او پیاوړتیا.

3. اساسي موخې

- د ټولنې، په ځانګړې توګه د هنرمندانو او انځورګرانو لپاره د ځانګړو او ګټورو اثارو څیړنه، تالیف او ژباړل.

- د زده کوونکو لپاره د انځورګرۍ ګټور پروګرامونه.

- د انځورګري یا انځوریزو اثارو د بیا رغونې او ترمیم په موخه د رنګ د جوړولو، د رنګ د تجزیې او نورو مرستندویه موادو د جوړولو لپاره د لابراتوارونو را مننځته کول او پرمختللي کول.

- د استادانو او محصلینو د پوهې او تجربې د کچې د لوړولو په موخه له بهرنیو او کورنیو بنسټونو سره توامیتونه.

- په هر سمستر کې یا لږترلږه په کال کې یو ځل د زده کونکو د اثارو نندارې ته اېښودل.

- له بهرنیو او کورنیو بنسټونو سره دوه اړخیزه اړیکې.

- په هر سمستر کې یو ځل د کال د غوره زده کونکو د کارونو نندارتون جوړول.

ج. توامیتونه یا اړیکې

د افغانستان له معاصرو هنرونو سره توامیت.

د. تحصیلي نصاب (تخصصي مضامین)