د محاسبې ډيپارټمنټ

الف) د ډيپارټمنټ پېژندنه:

د محاسبې ډيپارټمنپ په ۱۳۹۵ کال کې د کار د بازار ته په کتلو دکابل پوهنتون،لوړو زدکړو او مالي وزارت تر منځ د هوکړې پربنسټ داقتصادپوهنځي په چوکاټ کې بياځلي جوړ شو.

د دې ډيپارټمنټ د اکثرو مضمونونو تدريس په انګلسي ژبه دی، همدا راز د نوموړې ډيپارټمنټ تدريس د هغه تړون پر بنسټ چې مالېزيا اسلامي پوهنتون د نوماډيول د مسلکي پروګرام څخه هم برخمن دی،هغه محصلان چې د نوموړې ډيپارټمنټ څخه فارغېږي د لېسانس سند تر څنګ د نوماډيول د مسلکي محاسبې سند هم تر لاسه کوي چې نړيوال اعتبار لري،نو له همدې کبله په هېواد د مساعد وضعيت شتون او د مالېزيا د نړيوال پوهنتون محاسبې مسلکي پروګرام سره د تړون په لرلو سره به وکولای شي د کار د بازار سره سم مسلکي کدرونه ټولنې ته وړاندې کړي.

ب. موخې:

1. لرليد:

په علمي او مسلکي محاسبه کې په ملي او سيمه ایزه کچه د رهبرۍ دريځ درلودل دمحاسبې څانګې لرليد دی؛

2. مأموریت:

د يو رغنده سالم چاپېريال د پياوړتيا اورغونې له لارې د محاسبې د مسلک پياوړتيا او ښه والی ترڅومحصلان د علمي ،مسلکي او اخلاقي معيارونه په رڼا کې محاسبه زده کړي،چې په ملي اونړیواله کچه ننګونو ته ځواب وييونکي وي،پر دې سربېره نوموړی ډيپارټمنټ ژمن دی تر څو د معياري او بې پري زدکړييزو خدماتو په پراختيا او دملي او نړيوالو بنسټونو سره د پيوستون له لارې خپلو چوپړتياوو ته نورو پراختيا هم ورکړي.

تحصیلي نصاب( تخصصي مضمونونه)