د بايوټيکنالوژۍ او کرنيزو تخمونو د توليد ډيپارټمنټ

الف) پیژندنه:

د  بایو تکنالوژي او کرنیزو تخمونو د تولید څانګه په ۱۳۹۳ کال کې د کرنې  پوهنځي  په چوکاټ کې د  بایو تکنالوژي او کرنیزو تخمونو د تولید څانګې په نامه فعالیت پیل کړ.  د  بایو تکنالوژي او کرنیزو تخمونو د تولید  څانګه په هیواد کې په دې برخه کې یوازینۍ څانګه ده. په لوړ کېفیت تدریس او د بایو تکنالوژي او کرنیزو تخمونو په ډګر کې علمی څیړنې او بوختیاوې د دې څانګې د یووالي نښه ده.

ب) د روزنې موخې:

۱- لیدلوری:

د  بایو تکنالوژي او کرنیزو تخمونو د تولید څانګه  هوډ لري چې د افغانستان کرنې ته د غوره تدریس او علمی څیړنو پر مټ غوره خدمت و کړي.

۲- ماموریت:

دا څانګه ژمنه ده، چی د نباتي محصولاتو د تولید د ډیرولو او په ټوله کې د خوراکې پلوه د بایوتکنالوژي او کرنیزو تخمونو پرمټ  د هیواد د بسیاینې په موخه غوره تخصصي کادرونه وروزي.

۳- بسټیزې موخې:

• د اصلاح شوو تخمونو  د تولید په برخه کې د متخصص کادرونو روزنه او د ناروغیو، آفتونو او وچکالۍ په وړاندې مقاومت لرونکي نوي لوړ حاصل لرونکي ورایټي ګانو را منځ ته  کول ترڅو د ټیټ یا لږ حاصل لرونکي محلي انواعو ځای ناستی شي .

• د جنتيکي سرچینو د خوندیتوب او سمې کارونې او په هیواد کې د کرنيزو نباتاتو د ځايي انواعو د له منځه تلو د مخنيوي په برخه کې د متخصصو کادرونو روزنه.

• د کېمیاوي آفت وژونکو پر ځای د نباتاتو او څارویو څخه ترلاسه شوي آفت وژونکو سره د متخصص د کادرونو روزنه.

• د جنیټکې  انجینرۍ په برخه کې د متخصصو کادرونو روزنه یا د نباتاتو داسې ډیزاین کول چې د آفتونو ، د وښو وژونکو ، د مالګینې یا ښوري، د لوړې تودوخې په وړاندې او د یخنۍ په وړاندې مقاومت ولري، او داسې نور.

• د سبو او میوو د خواړو د ښه کولو او د دوی د زخیره  کولو، خوندیتوب اود عمر د زیاتوالی لپاره د متخصصو کادرونو روزنه .

ج) هوکړه لیکونه:

په اوس وخت کې د بایوتکنالوژي او کرنیزو تخمونو د تولید څانګه له نورو پوهنتونونو سره هوکړه لیکونه نه لري.

د) لابراتوار او تجهیزات:

دا څانګه یو خپلواک لابراتوار لري چې په لومړنیو  تجهیزاتو سمبال دی. یاد شوي وسایل د محصلینو د علمي څیړنو لپاره کارول کېږي.

شکل 14ـ بایو تکنالوژی او تخمونو د تولید څانګې لابراتوار انځور

د بایوټکناوژۍ او کرنیزو تخمونو د تولید څانګې د کادري غړو پیژندګلوي

هـ) د بایوتکنالوژي او کرنیزو تخمونو د تولید څانګې تحصیلی نصاب ( تخصصی مضامین)