د کابل پوهنتون رییس په کابل کې د ترکیې د هلال احمر نمایندګۍ دفتر رییس سره وکتل
د ۱۳۹۹ د سلواغې په ۲۱ په کابل کې د ترکیې هیواد د سرې میاشتې نمایندګۍ دفتر رییس ښاغلي فرید احمد ضیايي د کابل پوهنتون رییس پوهاند دکتور محمد عثمان بابري سره وکتل او د دواړو بنسټونو ترمنځ یې په همکاریو خبرې وکړې.
دا لیدنه، چې د سې شنبې په ورځ تر غرمې مخکې د کابل پوهنتن په ریاست کې جوړه شوې وه په پیل کې په کابل کې د ترکیې د هلال احمر نمایندګۍ دفتر رییس ښاغلي فرید احمد ضیايي د دې لیدنې په برارېدو خوښي ښودو ترڅنګ یې د دې دفتر کارونه، برنامې او موخې په لنډ ډول بیان او په ګډو کارونو، له کابل پوهنتون سره د بشر دوستانه کارونو په برخه کې د همکاریو جوړېدو کې یې د کابل پوهنتون د پاملرنې جلبولو باندې خبرې وکړې او زیاته یې کړه، چې په کابل کې د ترکیې د هلال احمر نمایندګۍ د بشر دوستانه، کډوالو او بېرته راستنېدونکو په هکله د کابل پوهنتون د وړاندیزونو، طرحو او برنامو څخه، چې پدې برخه کې یې لري استقبال کوي.
وروسته د کابل پوهنتون رییس پوهاند دکتور محمد عثمان بابري د ښه راغلاست ترڅنګ یې په کابل کې د ترکیې د هلال احمر استازولۍ دفتر حضور او فعالیت سره له ننګونو او محدودیتونو څخه، چې د افغانستان وګړي ورسره مخ دي مننه وکړه او په کابل کې د ترکیې هلال احمر استازولۍ دفتر له وړاندیز څخه، چې د کابل پوهنتون سره د همکاریو اړیکو جوړېدو په هکله وو استقبال وکړ.
پوهاند بابري زیاته کړه، چې د کابل پوهنتون له اړوندو برخو په ځانګړي توګه د دې پوهنتون ټولنیز کار له څانګې سره د ګډو همکاریو زمینې مشخصې او تر هغه وروسته د دواړو لورو د هوکړې څخه وروسته د همکاریو د اړیکو په جوړېدو به اقدام وکړو. دکتور بابري د خپلو خبرو په پای کې هیله وښوده تر څو د ګډو همکاریو کړنلاره د دواړو بنسټونو په هڅو او څېړنه وڅېړل شي او د دې اړیکو په طرحه او جوړېدو اقدام وشي.
