د کابل پوهنتون د فارمسي پوهنځي او د سټنډرډ ملي ادارې (ANSA) ترمنځ د همکاریو هوکړه لیک لاسلیک شو
د کابل پوهنتون د فارمسي پوهنځي او د سټنډرد ملي ادارې (Afghanistan National Standard Authority-ANSA) ترمنځ د همکاریو هوکړه لیک د ملي سټنډرډ جوړېدو، فعالونې او د دواړو لورو لابراتوارونو څخه اغېزمنه ګټه پورته کول او د کارکوونکو د وړتیاوو لوړول، د محصلینو لپاره د کاري زده کړې زمینه برابرول او د فارمسي پوهنځي د فارغینو لپاره د کاري فرصتونو برابرېدو په موخه د همکاریو هوکړه لیک لاسلیک شو.
دا هوکړه لیک، چې په شپږو برخو کې جوړ شوی دی، د شپږو مادو لرونکی دی، چې د هغې لویه موخه د سټنډرډونو او تخنیکي مقرراتو، فارمسي پوهنځي په واک کې د سټنډرډ ملي ادارې له لوري جوړ شوو سټنډرډونو ورکول، د دې پوهنځي محصلینو ته د دې جوړ شوو سټنډرډونو په هکله پوهاوی ورکول، د فعالونې په برخه کې همکاري، د سټنډرډ ملي ادارې له لابراتوارونو څخه زده کړه او اغېزمنه ګټه، د معلوماتو شریکول، شمېرې، احصائیه او مسلکي پوهه د ملي سټنډرډونو او تخنیکي مقرراتو پلي کولو په برخه کې د فعالیتونو اغیزمنتوب او د ملي سټنډرډ اداره کې د زده کونکو لپاره د عملي کار او لنډمهاله روزنې کورسونو چمتو کولو په برخه کې د دوه اړخیزو همکاريو تر سره کول وو.
دا هوکړه لیک د روان کال د لیندۍ میاشتې په ۴ نېټه د کابل پوهنتون له لوري د کابل پوهنتون رییس پوهاند دوکتور محمد عثمان عثمان بابري او د دې پوهنتون د فارمسي پوهنځي رییس ښاغلي محمد آقا ژکفر او د سټنډرډ ملي ادارې لوی رییس ښاغلي عزیز احمدزي او د دې ادارې تخنیکي مرستیال مطیع الله ځلاند له لوري لاسلیک او د درې کلونو لپاره د تمدید شرایطو سره به د باور وړ وي.
د ستندردونو ملي اداره د سټنډرډ ملي قانون او د هیواد نافذه قوانینو ته په کتو په هیواد کې د زیربنايي پرمختیا د کیفیت یواځینۍ مسووله مرجع ده، چې په هیواد کې د ملي سټنډرډونو او تخنیکي مقرراتو (اجباري سټنډرډونه) جوړېډل او پلي کېدل په غاړه لري.
کابل پوهنتون په ورستیو کلونو کې له مختلفو ملي او نړۍوالو ادارو او بنسټونو د هوکړه لیکونو په لاسلیک سره تل هڅه کړې تر څو د دې بنسټ استادانو، محصلینو او کارمندانو لپاره د زده کړې او وړتیاوو لوړولو په برخه کې زیاتې زمینې برابرې کړي، چې د سټنډرډ ملي ادارې سره هوکړه لیک یې یوه بېلګه ده.
