د کابل پوهنتون مطبوعاتي ناسته جوړه شوه
د کابل پوهنتون مطبوعاتي ناسته، چې د لړم میاشتې ۱۲ نېټې د خونړۍ پېښې په مناسبت، چې په هغه کې ۱۸ محصلین او یو کارمند شهید او ۳۸ نور ټپیان شول، د روان کال د لړم میاشتې په پنځلسمه نېټه د کابل پوهنتون د علمي شورا په تالار کې جوړه شوه.
دا ناسته د لړم میاشتې دولسمې نېټې پېښې د څرنګوالي په هکله د معلوماتو د شریکولو، د کابل پوهنتون د مني سمسټر د درسونو بیا پیل بهیر، د لړم میاشتې دولسمې پېښې مدیریت، چې د ۲۵ زرو محصلینو سره په ورته وخت رامنځته کېدل، د پوهنتونونو د امنیت د تامین په هکله د حکومت د رهبري تاکید او تعهد، د پوهنتونونو په هکله د لوړو زده کړو وزارت اداري او امنیتي نوي برنامې، د کابل پوهنتون د غوره امنیت تامین، په امنیتي برخه کې د بدلونونو رامنځته کېدل او په موخه جوړه شوې وه، چې د هر یو په هکله د ناستې د پنل غړو له لوري هر اړخیز ځواب او معلومات وړاندې شول، چې د یو شمېر رسنیو له لوري په ژوندۍ بڼه خپاره او هم به یې د خبري سرویسونو کې نشر شي.
د نویو کسانو ټاکل او د پوهنتون امنیتي برخې تجهیز، مسوولینو د کابل پوهنتون د امنیت څخه ډاډ ورکړ او پدې اړه یې په جدیت تاکید وکړ.
پدې ناسته کې د لوړو زده کړو وزارت مالي او اداري مرستیال ښاغلي نوراحمد درویش، د کابل پوهنتون علمي مرستیال پوهاند شفیع شریفي او د محصلینو چارو مرستیال پوهندوی فیصل امین، پوهنواله جاویده احمدي او پوهنوال ستارالدین صدیقي د کابل پوهنتون د ژورنالیزم او ارواپوهنې پوهنځیو رییسانو او د لوړو زده کړو وزارت ویاند پوهنیار حامد عبیدي په ګډون جوړه شوې وه.
په درنښت
د کابل پوهنتون
