د کابل پوهنتون رهبري شورا نوبتي ناسته جوړه شوه

د کابل پوهنتون رهبري شورا نوبتي ناسته د روان کال د لړم میاشتې په ۷ نېټه د چهارشنبې په ورځ د لوړو زده کړو وزارت نوماند وزیر دکتور عباس بصیر، د کابل پوهنتون رییس پوهاند دکتور محمد عثمان بابري، د پوهنتون مرستیالانو او د پوهنځیو رییسانو په ګډون د دې پوهنتون د علمي شورا په تالار کې جوړه شوه.

پدې ناسته کې د پوهنتون د داخلي او اداري موضوعاتو اړوند د هغو له ډلې د مني سمسټر حضوري درسونو سره په ورته وخت د لوړو زده کړو د ښوونیز مدیریت د (HELMS) سیستم له لارې زده کړې، د کابل پوهنتون مالي او اکاډمیک استقلالیت، په کابل پوهنتون کې د تغییر برنامه، په پوهنتون کې نظم او ډیسپلین برنامې د توجه پیاوړتیا، په پوهنتونونو په ځانګړې توګه په کابل پوهنتون کې د علمي کچې د لوړوالي څرنګوالی او ... باندې د رهبري شورا له لوري بحث وشو او په پایله کې لایحو، مقرراتو او اړتیاوو ته په کتو اړین تصمیمونه ونیول شو.

د لوړو زده کړو نوماند وزیر دکتور عباس بصیر پدې ناسته کې خبرې وکړې او په لنډ ډول یې په خپلو څېړنیزو او علمي موندنو د څرنګوالي بهیر، د کابل پوهنتون اکاډمیک ځای لوړوالي په هکله تعهد وکړ، د پوهنتون د علمي څېړنو د کچې او کیفیت لوړول، مالي استقلالیت او تر ممکن حده د کابل پوهنتون او د نړۍ د نورو پېژندل شوو پوهنتونونو ترمنځ د اغېزمنو علمي او اکاډمیکو اړیکو جوړول، چې د پوهنتون د رییس او رهبري شورا غړو له لوري د استقبال وړ وګرځېدې.

دا ناسته، چې د ماسپښین په ۲ بجو پیل شوې وه او تر هر اړخیزو بحثونو وروسته د مازیګر په ۵ بجو بجو هیواد ته د خیر او ښېګڼې د دعا په کولو سره پایته ورسېده.