له طلوع نیوز ټلوېزیون څخه د ژورنالېزم پوهنځي محصلینو لیدنه
د کابل پوهنتون ژورنالېزم پوهنځي محصلینو له طلوع نیوز ټلوېزیون څخه د علمي سیر په ترڅ کې لیدنه وکړه.
په دې علمي سفر کې، چې د ژورنالېزم پوهنځي استادانو یې هم ملتیا کوله؛ د خبر، ژوندیو خپرونو، د بېلابېلو خپرونو ایډېټ، د خپرونو ثبت او ورته نورو برخو اړوند د طلوع ټلوېزیون کارمندانو له لوري محصلینو ته معلومات ورکړل شول، چې د محصلینو له لوري یې هرکلی وشو.
د ژورنالېزم پوهنځي د استادانو له قوله؛ ژورنالېزم د نظري زده کړو ترڅنګ عملي کار او د رسنیوو له کاري چاپیریال سره پوره بلدتیا ته اړتیا لري، چې له مخې یې وخت ناوخت محصلینو ته د هېواد له بېلابېلو رسنیوو څخه د لیدنې زمینه برابروي، ترڅو دوی له رسنیز چاپیریال سره لا ډېر بلد شي.
د يادونې ده، چې د ژورناليزم پوهنځي د محصلينو د عملي زده کړو لپاره د "پوهنتون غږ" په نوم فعاله راديو لري چې چارې يې د محصلينو لخوا د استادانو تر څار لاندې پرمخ ځي.
