د فارمسي پوهنځي محصلینو بامیانو او میدان وردګو ولایتونو ته علمي سفر وکړ
بامیانو او میدان وردګ ولایتونو ته د کابل پوهنتون د فارمسي پوهنځي محصلینو څلور ورځنی علمي سفر پای ته ورسېد.
په یاد علمي سفر کې، چې مشري یې د فارمسي پوهنځي استادانو پوهندوی عبدالغني کریمي او پوهاند محمد نسیم صدیقي کوله، محصلینو ته د ځينو طبي بوټو په اړه مسلکي معلومات ورکړل شول، ترڅو له چاپیریال او طبي بوټو سره بلدتیا پیدا کړي او په اساس یې طبي زده کړو کې د پام وړ زیاتوالی رامنځته شي.
د فارمسي پوهنځي رئیس پوهنوال آقا محمد ژکفر د محصلینو لپاره علمي سفرونه مهم وبلل او ټینګار یې وکړ چې دا د محصلینو علمي ظرفیت لوړونې په برخه کې اساسي رول لري، نوموړي د پوهنتون له رهبرۍ مننه وکړه چې په دې برخه کې يې لازمې اسانتیاوې رامنځته کړي دي.
