د کابل پوهنتون فارمسي پوهنځي کې د فارمسۍ سکټور نظر غوښتنې په موخه علمي سمینار ترسره شو
نوموړی سمینار د کابل پوهنتون علمي مرستیال ښاغلي محمداشرف غیرت، د فارمسي پوهنځي رئیس، د افغانستان د غذا او درملو ملي ادارې، د ابن سینا فارمسي دولتي شرکت، د ناب، برایت فارما او فارما هیلت درمل تولیدي فابریکو استازو په ګډون ترسره شو.
په دې سمینار کې د کابل پوهنتون علمي مرستیال د پوهنځي درسي موادو چې د ټولنې د اړتیاوو حل کړي، د طرحې غوښتنه وکړه تر څو د هغه په وینا پوهنتونونه له لګښتي حالت څخه تولیدي حالت غوره کړي.
په دې سمینار کې د فارمسیوتیک او فارمسي شیمیک دوو څانګو درسي مواد او د درملو کنترولولو ارزونه هم وشوه، په پام کې ده، چې په راتلونکې میاشت کې د علمي سمینارونو له لارې ددې پوهنځي ټولو څانګو درسي موادو ارزونې په موخه نظر غوښتنه هم وشي.
