د ځنګلونو او طبيعي زېرمو ډيپارټمنټ

الف) پیژندنه:

د ځنګلونو او طبيعي سرچینو څانګه په ١٣٥٤ هـ ش کال کې د کرنې پوهنځي په چوکاټ کې د ځنګلدارۍ او باغدارۍ دڅانګې تر نامه لاندې تاسيس شوه. په ۱۳۵۸ هـ ش کال کې لومړۍ دوره فارغین ټولنې ته وړاندې کړل. په ۱۳۷۳ هـ ش کال کې، د ځنګلونو او طبیعي سرچینو څانګه د هارټیکلچر (بڼوالۍ) له څانګې څخه بېله شوه او تر اوسه پورې په جلا توګه فعالیت کوي.

ب) د روزنې موخې:

• د ځنګلونو او طبیعي سرچینو په برخه کې د تخنیکي او مسلکي متخصصینو او کارپوهانو روزنه؛

• د طبیعي زیرمو د تلپاتې  ساتنې، احیا او انکشاف د نویو سیستمونو پيژندنه او ترویج؛

• د هېواد د چاپیریال، ځنګلونو، څړځایونو، خوندي سیموو، ملي پارکونو، حیات وحش او دښتوو د ساتنې لپاره د نویو لارو چارو ارائیه کول؛

• د ځنګلونو او طبیعي سرچینو په سکتور کې د تخنیکي او مسلکي متخصصینو او کارپوهانو روزنه؛

• د ځنګلونو او طبیعي زیرمو په برخه کې د هغوی د ساتلو، احیا او انکشاف د نویو فنی او مسلکي سیسټمونو ترویجول؛

• د لرګیو، د ځنګلي ونو د میوو، درملو بوټو او د ځنګل د نورو محصولاتو د دوامداره کارونې په اړه د نویو ټیکنالوژیو معرفي کول؛

• د هیواد د اوبو د زیرمو ( واټر شیډ) د کنټرول او څارنې په برخه کې د محصلینو د تخنیکي او مسلکي مهارتونو لوړول؛ او

• د هیواد د ځنګلونو او نورو تجدید کېدونکو سرچینو په اړه سروې او څیړنې ترسره کول.

۱- لیدلوری:

د ځنګلونو او طبیعي زیرمو څانګه هوډ لري چې په ملي کچه د متخصص کارمندانو د روزنې له لارې د ځنګلونو او طبیعي زیرمو، د ځنګلونو څخه ګټه اخیستنه، ملي پارکونو او ځنګلي ژوند او نورو اړوندو برخو کې د تدریس او څیړنې له لارې د چوپړتیاوو مصدر وګرځي.

۲- ماموریت:

دا څانګه اوس مهال د ځنګلونو او طبیعي زیرمو په بېلابېلو برخو کې د یوې پرمختللې او هوسا ټولنې د ودې او پراختیا لپاره دملي رسالت سره د ځوانو متخصصانو په زده کړو، تدریس او څیړنو بوخته ده.

۳- بسټیزې موخې:

• د ځنګلونو او طبیعي سرچینو مدیریت کې د تخنیکي او مسلکي متخصصینو او کارپوهانو روزنه؛

• د طبیعي زیرمو د محافظت، احیا او پراختیا د نویو سیسټمونو پيژندګلوي او ترویج؛

• د دوامدار پرمختګ لپاره د سرچینو څخه اغیزمنه ګټه اخستلو لارو چارو ترویج؛

• د هیواد د طبیعي زیرمو د کنټرول او څارنې په برخه کې د محصلینو د تخنیکي او مسلکي مهارتونو لوړول؛ او

• د هیواد د ځنګلونو او طبیعي زیرمو په برخه کې د سروې او څیړنو په برخه کې د متخصصینو او کارپوهانو روزنه.

ج) هوکړه لیکونه:

په اوس وخت کې د طبیعی زیرمو څانګه له نورو پوهنتونونو سره هوکړه لیکونه نه لري.

د) لابراتوار او تجهیزات:

دا څانګه مستقل لابراتوار لري، چې نسبتاً د اړتیا  وړ لومړني تجهیزات لري. د اړونده وسایلو څخه د محصلینو د علمي څیړنو د ترسره کولو لپاره ګټه اخستل کېږي.

د ځنګلونو او طبیعې زیرمو څانګې د کادري غړو پیژندګلوي

هـ) د ځنګلونو او طبیعې زیرمو څانګې تحصیلی نصاب ( تخصصی مضامین)