د کابل پوهنتون د رهبري شورا ناسته جوړه شوه
د کابل پوهنتون د رهبري شورا ناسته د کابل پوهنتون د رییس په ریاست او د مرستیالانو او د ناستې د غړو په ګډون د ۱۴۰۰ ل. ل کال د لومړي سمستر د درسونو د پیل پر موضوع جوړه وه.
پدې ناسته کې د کابل پوهنتون رییس د ناستې غړو ته د ښه راغلاست او د مهمو مسایلو په اړه یې د لارښودي خبرو ترڅنګ یې د ۱۴۰۱ ل.ل کال د غوايي په درېمه نېټه یې د لومړي سمستر د درسونو د پیل خبر ورکړ او زیاته یې کړه، چې د پوهنځيو مسوولین او استادان باید پدې هکله اړینه او پوره تیاري ولري تر څو محصلین په شوق او علاقه سره خپل درسونه پيل کړي. دکتور عزیز همدارنګه وویل، چې استادان باید په درسونو کې د محصل محوري روحیه پياوړي کړي او دا محصل ته د شخصیت ورکونې زمینه برابروي او محصلین زیاتې څېړنې ته هڅوي.
د رهبري شورا په ناسته کې همدارنګه د پوهنځیو رییسانو هم هر یو په خپل وار سره د موضوع په هکله خپل نظریات شریک کړل او تاکید یې وکړ، چې هغوی د ۱۴۰۱ کال د لومړي سمستر د درسونو د پيل لپاره تیاري لري او پدې برخه کې به د کابل پوهنتون رهبري سره په پوره همغږي کار وکړي.
