د کابل پوهنتون د شپې لیسانس دورې برنامو ارزونې کمېټې ناسته جوړه شوه

د کابل پوهنتون د شپې لیسانس دورې برنامو ارزونې کمېټې ناسته د روان کال د غوايي په ۲۹ نېټه د کابل پوهنتون د رییس او مرستیالانو، د يو شمېر پوهنځیو رییسانو، د څانګو امرینو او د پوهنتون استادانو، د کابل پوهنتون د کیفیت تضمین کمېټې مسوولینو په شتون کې د شپې د لسانس دورې برنامو بهیر څخه د دې کمېټې د ارزونو د پایلو د شریکولو په موخه د علمي شورا د ناستو په تالار کې جوړه شوه.

پدې ناسته کې د کابل پوهنتون د علمي مرستیال تر ریاست لاندې د دې کمېټې غړو د خپلو ارزونو پایلې د دې ناستې ګډونوالو سره شریکې او د شپې درسونو بهیر کې د ځینو پوهنځيو د اغېزناکو کړنو تر سره کولو ترڅنګ ویل: اوس هم لیدل کیږي، چې د شپې لسانس دورې د ځینو برنامو د تحصیلي نصاب په برخه کې د کرېډټ سیسټم د پلي کېدو څرنګوالی او د ورځنیو برنامو سره د هغو نه مطابقت، د برنامو د زماني مدت زیاتوالی تر لس سمسټرونو پورې او د ورځینو برنامو سره د هغوی نه سمون، له دې برنامو څخه د کیفیت تضمین کمېټې څار بهیر  او ... له ځینو ستونزو او ننګونو سره مخ دي او د هغوی د غوره والي او غوښتنو او معیارونو، جدي او بنسټیزې بیا کتنې او اصلاحاتو ته جدي اړتیا لري. همدارنګه د دې کمېټې غړو د پوهنتون د رهبري په شتون کې وړاندیز وکړ، چې باید له دې برنامې څخه د داخلي تضمین کمېټې څار جدي شي، وخت یې اته سمسټرونو ته کم او معیاري شي، له دې برنامو څخه د پوهنځیو مسوولین له لوري هفته وار جدي څار تر سره شي او د اړتیا پر مهال په ځینو اړوندو پوهنځیو کې په ورته وخت له هغو سره د ماسټري برنامې هم لري، لغوه شي.

دا وړاندیز د کابل پوهنتون رهبري له لوري تائید او د وروستیو اجرااتو په موخه اړوندو برخو ته لارښوونه وشوه.