په کابل پوهنتون کې د روژې مبارکې میاشتې څخه د یادونې په مناسبت د قرآنکریم د ختم مراسم جوړ شول

ناپیژنده (not verified)
پنجشنبه ۱۴۰۰/۲/۱۶ - ۱۳:۵۷
ku

د قرانکریم ختم مراسم د روان کال د غوايي په ۱۵ نېټه د چهارشنبې په ورځ، چې د روژې مبارکې میاشتې له ۲۳ سره برابره وه، د دې مبارکې میاشتې څخه د درناوي په موخه د شرعیاتو پوهنځي رهبري له لوري د لوړو زده کړو وزیر، د کابل پوهنتون رییس او رهبري هئیت، د پوهنځیو رییسانو، یو شمېر استادانو، کارمندان او محصلینو په ګډون د ښکلو هنرونو پوهنځي د غونډو په تالار کې جوړ شول.

د هیواد د لوړو زده کړو وزیر دکتور عباس بصیر پدې مراسمو کې د خبرو په لړ کې د دې برنامې د جوړوونکو څخه مننه وکړه او د روژې مبارکې میاشتې په اړه یې خبرې وکړې ویې ویل: پدې مبارکې میاشت کې زیات فضایل شته، چې د هغې له ډلې څخه د قران کریم نزول دی. قران کریم یو علمي، ساینسي او اخلاقي کتاب دی، چې په هغه کې د اسلامي اخلاقو چوکاټ بیان شوی دی. یو روزنیز کتاب، چې مختلف تربیتي اصول، د قانون کتاب، د اسلامي قانون کلي او جزيي اصول، یو فلسفي کتاب او په ټوله کې یو اعجاز امېزه او یوه معجزه ده. نوموړي وویل: یو غربي عالم، چې مسلمان شوی دی وایې: د قران علمي او ساینسي ایاتونه دا ښيي، چې دا کتاب د بشر د لاس لیکل شوی کتاب ندی بلکې تر شاه یې یوه لوړه د ملاتړ سرچینه بغیر له حضرت محمد ص څخه شتون لري.

ډاکټر بصیر وویل: د قران کریم اصلي دعوت د سولې او معارف منلو ته دعوت دی. په هغه کې تاوتریخوالی منع او په ځانګړې شرایطو کې لازم ګرځول شوی دی.  له هغه ځایه، چې د پوهنتونونو رول د زده کړې ترڅنګ د سولې، ثبات او یوبل منلو دودول دي، د استادانو رول د دې ډول فضا په دودولو کې زیا مهم دی او د لوړو زده کړو وزارت رهبري د هیواد د لوړو زده کړو په برخه کې په ځلونو د یو بل منلو دودولو کې هڅه کړې ده. دکتور بصیر هيله وښوده، چې د دې مبارکې میاشتې په برکت سره د ټولنې له نابرابریو او تاوتریخوالي څخه پاکه ټولنه ولرو.

د کابل پوهنتون رییس پوهاند دکتور محمد عثمان بابري هم پدې برنامه کې خبرې وکړې او په پیل کې یې د شرعیاتو پوهنځي څخه د نیک سنت د روژې مبارکې میاشتې او قدر شپې د نمانځنې په موخه مننه وکړه او دا یې د ثواب برکت لپاره یوه ښه موقع یاده کړه. پوهاند بابري وویل: د انسان په ژوند کې زیات فرصت شتون لري او د هغې له ډلې څخه د روژې مبارکه میاشت ده. دا میاشت د انساني کراماتو څخه د پوهاوي لپاره مناسب فرصت او د انسان په وجود کې شته بخشش همدارنګه د ځمکې پر سر د الله ج خلیفه ده، چې له هغو څخه باید ګټه پورته شي. په همدې شکل په مبارکه روژه کې د ځان پېژندنې او ځان جوړونې او د مسلمان فرد لپاره یو مناسب فرصت دی تر څو وکولای شو، چې څوک یو، څشی یو او د څه لپاره پیدا شوي یو؟ او د ځان جوړونې لپاره یو ښه فرصت دی او پوهه شو، چې زمونږ د بدن مثبت او منفي مسایل کوم دي او د کومو نیکو اعمالو او صفاتو مطابق ځان جوړ کړو او تر خوړلو دا مسایل مهم دي.

پوهاند بابري د خپلو خبرو په پای کې وویل: الله ج د توفیق راکړي، چې د ځان جوړونې انقلاب له ځان جوړونې څخه پیل کړي او د ټولنې په لوري اشاعه کړو تر څو زمونږ ټولنه پوره اسلامي شي او د پرمختګ، یو بل منلو او د سولې لپاره فکر وکړي او هغه لوري ته حرکت وکړي.

د ولسمشر د دیني چارو سلاکار او د شرعیاتو پوهنځي استاد او یو شمېر نورو استادانو هم پدې برنامه کې خبرې وکړې او هر یو په خپل وار سره د روژې مبارکې میاشتې او د قدر شپې په فضایلو خبرې وکړې.

تازه خبرونه

شنبه ۱۴۰۴/۷/۵ - ۹:۸
Background image

په شرعي علومو کې د علمي مقالې لیکنې میتودولوژي ورکشاپ ترسره شو

د کابل پوهنتون د علمي څېړنو معاونیت له لوري «په شرعي علومو کې د علمي مقالې لیکنې میتودولوژي» تر عنوان لاندې دوه ورځنی ورکشاپ دایر شو.

په ورکشاپ کې د کابل ولایت د عل.ماوو د شورا غړو، د. . .

چهارشنبه ۱۴۰۴/۶/۲۶ - ۸:۵۳
Background image

د کابل پوهنتون ۲۰۹۶ محصلین د لیسانس په کچه فارغ شول

د کابل پوهنتون له ۲۲ پوهنځیو او ۷۵ څانګو څخه ۲۰۹۶ محصلین د لیسانس په کچه فارغ شول. د فراغت په غونډه کې د ا.ا.ا لوړپوړو چارواکو، د بېلابېلو پوهنتونونو مشرتابه، دیني عالمانو، استادانو،. . .

دوشنبه ۱۴۰۴/۶/۲۴ - ۱۳:۵۹
Background image

" اوبه د اقلیمي عمل لپاره" تر عنوان لاندې کنفرانس دایر شو

د کابل پوهنتون د علمي څېړنو معاونیت له لورې "اوبه د اقليمي علمي لپاره" تر عنوان لاندې يو ورځنی څېړني کنفرانس ترسره شو.

په دې کنفرانس کې د پوهنتون د اړوندو څانګو د استادانو لخوا لس علمي. . .

BACK TO NEWS

گالری رسانه

د کابل پوهنتون ۲۰۹۶ محصلین د لیسانس په کچه فارغ شول

له فتحې وروسته د کابل پوهنتون پرمختګونه!

په کابل پوهنتون کې د افغانستان معلوماتو مرکز ویډیويي راپور:

د کابل پوهنتون انجنیري پوهنځی

د ا.ا.ا د ریاست الوزرا اداري مرستیال مولوي عبدالسلام حنفي صاحب وینا:

د کابل پوهنتون محصلینو په فراغتغونډه کې د ریاست الوزراء سیاسي مرستیال مولوي عبدالکبیر صاحب:

د کابل پوهنتون له ۲۲ ویشت پوهنځیو څخه ۲۳۰۸ تنه محصلین د لیسانس په کچه فارغ شول نور حال په راپور کې

د کابل پوهنتون کیمیا پوهنځی د فعالیتونو او لاسته راوړنو چمتو شوی ویډیویي راپور دلته کتلی شئ.

د کابل پوهنتون وترنري علومو پوهنځۍ: د زیاتو معلوماتو لپاره لاندې ویډیويي راپور وګورئ.

د کابل پوهنتون د فزیک پوهنځي په تاریخچې، لاسته راوړونو او راتلوونکو پلانونو په اړه ځانګړی راپور:

په کابل پوهنتون کې د تېرې اسد میاشتې په لړ کې د ترسره شویو فعالیتونو اړوند لنډ راپور. 

د فارمسي پوهنځي له رئیس دوکتور آقا محمد ژکفر سره د یاد پوهنځي په لاسته راوړنو او عمومي وضعیت ځانګړې مرکه: