کابل پوهنتون کې د ځوانانو نړۍ تر عنوان لاندې غونډه ترسره شوه
د ملي رادیو تلویزون له خوا د کابل پوهنتون په زده کړه ییز اډیتوریم کې د اطلاعاتو او فرهنګ، کار اوټولنیزو چارو وزارتونو استازو، کارپوهانو او ګڼ شمېر محصلینو په ګډون د ځوانانو د ژوند، ستونزو او غوښتنو تر عنوان لاندې غونډه ترسره شوه.
په یاده غونډه کې مسئولینو او کارپوهانو د ځوانانو د ژوند په مختلفو اړخونو خبرې وکړې. د ځوانانو د غوښتنو، ستونزو، وړاندیزونو ته د توجو کولو او دوی ته د کاري فرصتونو برابرولو غوښتونکي شول.
محصلانو هم پخپل وار د ځوانانو سیاسي، فرهنګي، ټولنیز او اقتصادي وضعیت د ښه والي په پار نظرونه او وړاندیزونه له میلمنو سره شریک کړل.
په راتلونکي کې به د ملي رادیو تلویزون لخوا دې ته ورته برنامې هم د ځوانانو د ژوند د لا ښه والي په خاطر ترسره شي.
