کابل پوهنتون او د افغانستان د ممیزو ، میوو، سابو او طبي بوټو د صادراتو د پراختیا ادارې ترمنځ د همکاریو هوکړه لیک لاسلیک شو

Abdul Hai Alamyar
سه‌شنبه ۱۳۹۹/۱۱/۱۴ - ۱۶:۴
ku

د کابل پوهنتون د فارمسي پوهنځي او د افغانستان ممیزو، میوو، سابو او طبي بوټو د صادراتو د پراختیا ادارې ترمنځ د همکاریوهوکړه لیک د روان کال د سلواغې په ۱۳ نېټه د دوشنبې په ورځ د کابل پوهنتون رییس پوهاند دکتور محمد عثمان بابري، د دې پوهنتون د علمي چارو مرستیال، د فارمسي پوهنځي رییس او د افغانستان د ممیزو او طبي بوټو د ادارې رییس ښاغلي سید عظیم مصطفی هاشمي او مل هیئت د ممیزو، میوو، سابو او طبي بوټو د تجزیې او تحلیل، د دواړو لورو د مسلکي او تخصصي کارکوونکو لپاره د زده کړې زمينې برابرول، پدې اداره کې د کابل پوهنتون د فارمسي پوهنځي محصلینو لپاره د کار زده کړې زمینې برابرولو او ... همکاریو هوکړه لیک لاسلیک شو.

د دې هوکړه لیک لویه موخه د دواړو لورو مسلکي غړو لپاره د لابراتوارونو په مختلفو برخو په ممیزو او نورو میوو، خوړو او درملو د ناروغیو د تثبیت او توکسنونو په اړه روزنه، د طبیعي محصولاتو د تجزیې او تحلیل په اړه د علمي کنفرانسونو او سمینارونو جوړول، د محصلینو لپاره د لابراتوارونو زده کړې زمینې برابرولو زمینې برابرول، د فارمسي پوهنځي د محصلینو لپاره د صادراتو ادارې له لوري د ګټورو او اغېزمنو مونوګرافونو برارول او ... عبارت دي.

د کابل پوهنتون رییس پوهاند دکتور محمد عثمان بابري پدې غونډه کې خبرې وکړې او د صادراتو ادارې مسوولینو ته یې د ښه راغلاست ترڅنګ یې په نړۍ وال بازار کې د هیواد د طبیعي محصولاتو د پلور او تبادلې زمینې نه برابرېدل یې د هیواد د طبیعي موادو صادراتو پر وړاندې یوه ستونزه یاده کړه، چې په یاده برخه کې د مسوولو او دخیلو کسانو له لوري جدي کار او هڅو ته اړتیا لري. پوهاند بابري وویل: پدې برخه کې د اړوندو بنسټونو د همکاریو پراختیا، هم قدرت او هم توانايي به رامنځته کړي، چې هیله لرو پدې همکاريو وکولای شو زیاتې همکاري تر سره د هیواد د وګړو په خدمت کې واوسو. وروسته د صادارتو د پرمختیا ادارې رییس ښاغلي کاظمي هم پدې برنامه کې د خبرو ترڅنګ یې د دې دواړو بنسټونو ترمنځ د همکاریو رابطې لپاره د زمینې برابرول، د دې ادارې د تېر، راتلونکو اغېزمنو کارونو او هڅو خبرې وکړې او زیاته یې کړه، چې د صادراتو د پراختیا ادارې او د کابل پوهنتون د فارمسي پوهنځي ترمنځ نژدې اړیکې شتون لري ولې د دې هوکړه لیک له لارې اړیکې زیاتې پیاوړي شي، چې بې له شکه د دې پراختیا به د چارو د غوره والي سبب شي.

د کابل پوهنتون د فارمسي پوهنځی، چې ۶ درسي څانګې، ۳۸ پیاوړي کادرونه او د دکتورا او ماسټري تحصیلي سند په لرلو، د ۴۹۱ شاوخوا محصلین او ۸ فعاله او مجهز لابراتوارونو درلودونکی دی، په طبیعي موادو، ممیزو، میوو او سابو باندې علمي او تخصصي څېړنو تر سره کولو یوه اداره او د دې پوهنځي محصلینو د نوي تحصیلي نصاب/ درسي کریکولم، په کادري روغتونونو کې د یوه سمسټر ستاژ دوره، د درملو لابراتوار، خواړه او بیولوژیکه نمونه او د درملو تولیدي موسسه پرمخ وړي. د ممیزو او طبیعي موادو د صادراتو د پراختیا ادارې سره هوکړه لیک د دې محصلینو لپاره زیاته کاري او کاري زده کړې زمینه برابروي او تولنې ته به متخصص ځواک وړاندې کړي.

تازه خبرونه

چهارشنبه ۱۳۹۹/۱۲/۶ - ۱۵:۴۲
Background image

د کابل پوهنتون رهبري او د ایران ازاد اسلامي پوهنتون رهبري هئیت ترمنځ ګډه ناسته جوړه شوه

د کابل پوهنتون د علمي او محصلینو چارو مرستیالانو او د ایران ازاد اسلامي پوهنتون د نړۍ والې او بهرنیو زده کړیالانو چارو مرستیال، د ایران ازاد اسلامي پوهنتون رییس- د کابل واحد او په کابل. . .

چهارشنبه ۱۳۹۹/۱۲/۶ - ۹:۴۴
Background image

د کابل پوهنتون د پالیسي څېړلو ملي مرکز کې د افغانانو ترمنځ د سولې روانو خبرو په اړه بحث او د خبرو اترو ناسته جوړه شوه

د افغانانو ترمنځ د سولې روانو خبرو په اړه بحث او د خبرو اترو ناسته د افغانستان اسلامي جمهوریت د سولې مرکچي پلاوي غړي دکتور محمد امین احمدي، د کابل پوهنتون د علمي چارو مرستیال پوهاند. . .

دوشنبه ۱۳۹۹/۱۲/۴ - ۱۴:۳۵
Background image

د کابل پوهنتون او د ایران اسلامي جمهوري دولت د انساي علومو او فرهنګي مطالعاتو څېړنیز مرکز ترمنځ ګډه علمي ناسته تر سره شوه

د روان ۱۳۹۹ د کب په ۳ د یک شنبې په ورځ د کابل پوهنتون او د ایران اسلامي جمهوري دولت د انساني علومو او فرهنګي مطالعاتو څېړنیز مرکز د استادانو او د دکتورا او ماسټري دورو محصلینو په. . .

BACK TO NEWS

All Media

د سولې جوړونې په اړه د جمهور رئيس جلالتمآب محمد اشرف غنی د وینا دوهمه برخه

د سولې جوړونې په اړه د جمهور رئيس جلالتمآب محمد اشرف غنی د وینا لومړۍ برخه