په کابل پوهنتون کې د محصلینو د زده کړې او تشبث طرحې ارزونه وشوه
د کابل پوهنتون په ریاست کې د کابل پوهنتون رییس او مرستیالانو، د اقتصاد پوهنځي رییس او یو شمېر استادانو او د استادانو د مسلکي پرمختیا مرکز امر د محصلینو د زده کړې او تشبث طرحه وارزوله.
د کابل پوهنتون د رهبري په وینا له یولوري د کابل پوهنتون فارغینو لپاره مهمه دغدغه دنده او له بل لوري هر کال له پوهنتون څخه زرګونه کسان فارغ او د کار بازار ته وړاندې کیږي، چې د کاري او دولتي بنسټونو کارموندنې منابع تقریبآ اشباع شوي دي «د محصلینو زده کړې او تشبث څرنګوالي طرحې څخه ملاتړ»، د تشبث مرکز جوړولو او د درسي موادو برابرولو څرنګوالی، د تشبث روحیې او نظریو پیاوړتیا څرنګوالی او ... یې د کابل پوهنتون په ریاست کې وارزول.
پدې ناسته کې پرېکړه وشوه، چې د روان کال د مني سمستر د درسونو له پیل سره، د اقتصاد او عامه اداري او پالیسي پوهنځیو په کریکولم کې د تشبثاتو مضمونونه هم زیات شي، همدارنګه د پوهنتون نور پوهنځي د تشبثاتو کریکولم د جوړېدو طرحې د محصلینو د خدمتونو امریت او اقتصاد پوهنځي سره په همغږي جوړې او تلفیق کړي او د تشبثاتو زده کړې سمینار او کورسونو په جوړېدو سره په کابل پوهنتون کې د تشبثاتو پیاوړتیا او دندو پیداکېدو څخه د ملاتړ په موخه پلي کړي.
