په کابل پوهنتون کې د خزاني سمستر وروستۍ ازموینې پیل شوې
په کابل پوهنتون کې د خزاني سمستر وروستۍ ازموینې د روان کال د لړم میاشتې له ۲۱ مې نېټې څخه پیل او تر دریو هفتو پورې به دوام وکړي. دغه ازموینې په یوه مناسبه او شفافه فضا کې شروع چې محصلینو په مثبته او لوړه روحیه پکې اشتراک کړی وو.
نظم، دسپلین، د ازموینې لپاره د مناسب چاپیریال برابرول او د معیاري سوالونو جوړولو د هغه مواردو څخه دي چې پدغه ازموینه کې په نظر کې نیول شوي دي. همدارنګه د ازموینې د نظارت کمېټه هره ورځ د ازموینو له جریان څخه لیدنه ترسره کوي.
