په کابل پوهنتون کې د اداري فساد پر وړاندې د مبارزې یو ورځینی سمینار ترسره شو
د کابل پوهنتون اړوند بشري سرچینو آمریت لخوا د روان کال لړم میاشتې په ۲مه نېټه د سه شنبې په ورځ د د اداري فساد پر وړاندې د مبارزې یو ورځینی سمینار ترسره شو. په دې سمینار کې د پوهنتون ټولو آمریتونو اداري او خدماتي کارکوونکو ترڅنګ د پوهنځیو تدریسي او اجرائیه مدیرانو هم برخه اخیستې وه.
دسمینار په پیل کې د شرعیاتو پوهنځي رئیس شیخ عبدالمعید ابو الجراد د اسلام مقدس دین له نظره د فساد پېژندنه، عواملو او منفي اغېزو باندې خبرې وکړې او هغه یې د ادارې لپاره زیانمن یاد کړ.
وروسته د عامه ادارې او پالیسۍ پوهنځي رئیس ښاغلي پوهنیار زبیر عظیمي د فساد پر وړاندې د مخنیوي په برخه کې د اغېزمنو او اساسي لارو په اړه خبرې وکړې؛ چې د ګډونوالو د پام وړ وګرځېدې.
په پای کې د کابل پوهنتون بشري سرچینو آمر ښاغلي عطاء الله حکیمي د اداري فساد په مخنیوي کې د اداري کارکوونکو مبارزې او مسؤلیتونو په اړه خبرې وکړې او له هغوی یې و غوښتل؛ چې په ورځنیو چارو کې د اداري فساد پر وړاندې مبارزې ته لومړیتوب ورکړي.
