لید لوری، مأموریت او موخې
لید لوری:
د معیاري او باکیفیته ښوونیزو خدمتونو په وړاندې کولو کې د لوړ مقام ترلاسه کول او په ملي او نړیواله کچه د بااعتباره او کارېدونکو څېړنو ترسره کول.
مأموریت:
د ارواپوهنې او روزنیزو علومو پوهنځی د نوې ښوونیزې ټکنالوژۍ په کارولو سره د معیاري ښوونیزو او څېړنیزو خدمتونو په وړاندې کولو، د روزنیزو علومو او ارواپوهنې په برخو کې مسلکي کادرونه روزي او ټولنې او کار بازار ته یې وړاندې کوي.
موخې:
- د نوې ټکنالوژۍ په کارولو سره د تدریس او زده کړو لپاره د مناسب تعلیمي چاپېریال برابرول.
- د علمي کادر د غړو د ظرفیت پراختیا او د هغوی د وړتیاوو څخه اعظمي ګټه اخېستل.
- د ارواپوهنې او روزنیزو علومو په برخو کې د معیاري او تطبیقي څېړنو ترسره کول.
- د اغېزمنو عایداتي سرچینو د برابرولو زمینه مساعدول.
- د اغېزمن مدیریت او رهبري ښه والی او له اداري او مالي فساد سره مبارزه.
- د تحصیلي نصاب بیاکتنه او پراختیا.
- د علمي فعالیتونو د پراختیا په موخه له داخلي او بهرنیو پوهنتونونو سره د علمي اړیکو (توأمیت) رامنځته کول.
- د بنسټيزو اسانتیاوو پراختیا، محصلانو ته انټرنیټ ته لاسرسی، د کتابتون تجهیز او پراختیا او د درسي ټولګیو معیاري کول.
- د پوهنځي علمي څېړنو عملي کول د ګټونکو لورو سره د دوامداره او معنا لرونکو اړیکو د رامنځته کولو له لارې.