لید لوری، مأموریت او موخې

لرلید

اقتصاد پوهنځی د کابل پوهنتون په چوکاټ کې د اسلامي شریعت، ملي او نړیوالو معیارونو او د افغانستان د کار بازار له اړتیاوو سره سم د باکیفیته تحصیلي او علمي خدمتونو وړاندې کولو ته ژمن دی. دا پوهنځی د همدې موخې لپاره غواړي له معتبرو ملي او نړیوالو بنسټونو سره خپلې علمي همکارۍ لا پراخې کړي او په ملي او نړیواله کچه د یو باوري او تخصصي علمي مرجع په توګه وپېژندل شي.

ماموریت

اقتصاد پوهنځي د یو ستر علمي مرکز په توګه د لاندې علمي فعالیتونو د ترسره کولو لپاره ژمن دی:

• د لسانس او ماسټرۍ په کچه د باکیفیته تحصیلي خدمتونو وړاندې کول؛

• د نړیوالو معیارونو او اسلامي ارزښتونو سره سم د ښوونیزو پروګرامونو تنظیم او پلي کول؛

• د مسلکي، ژوند او عمل‌محوره بشري ځواک روزنه؛

• د بشري ځواک د مادي او معنوي ګټو تأمین؛

• د څېړنیزو خدمتونو، مشورو او نورو داوطلبانه فعالیتونو د وړاندې کولو له لارې په عام المنفعه او ټولنیزو چارو کې د اقتصاد پوهنځي د استادانو په رهبرۍ د استادانو، کارکوونکو او محصلانو فعاله ونډه.

 

ارزښتونه

• اسلامي او ملي اصولو او ارزښتونو ته پابندي؛

• رښتینولي او متقابله همکاري؛

• په علمي ډګر کې د همکارۍ او سالمې سیالۍ پیاوړتیا؛

• د بشري ځواک د کرامت او مقام ساتنه؛

• تخصصي او علمي اړتیاوو ته ځواب ویل؛

• د نوښت روحیه پیاوړې کول؛

• په ملي او نړیواله کچه د علمي همکاریو پراختیا.

موخې

1. د زده‌کړو ښه والی، د نصاب بیاکتنه او د بازار له اړتیاوو سره سم د نویو څانګو رامنځته کول؛

2. په اداري او اکاډمیکو برخو کې د بېلابېلو کچو د ظرفیت لوړول؛

3. د علمي کادر غړو لپاره د ظرفیت لوړولو په موخه د تحصیلي بورسونو او فرصتونو برابرول؛

4. په ملي او نړیواله کچه له معتبرو علمي بنسټونو سره د اکاډمیکو اړیکو پراختیا او پیاوړتیا؛

5. د اغېزمنتیا د زیاتوالي او د ډاډ ترلاسه کولو لپاره د فعالیتونو د نظارت زیاتول؛

6. د معلوماتي ټکنالوژۍ اسانتیاوو او کتابتوني سرچینو سره د اقتصاد پوهنځی سمبالول؛

7. د پرمختګ په چارو کې د ژمنو او مسلکي کادرونو ملاتړ.

 

توامیتونه

اقتصاد پوهنځی د خپلو علمي، ښوونیزو او څېړنیزو موخو د تر لاسه کولو لپاره له یو شمېر کورنیو او بهرنیو ادارو او بنسټونو سره د همکارۍ هوکړه ‌لیکونه لاسلیک کړي دي، چې په لاندې ډول دي:

1. د مالیزیا نړیوال اسلامي پوهنتون

2. واخان انسټیټیوټ

3. پښتنی بانک