لیدلوری، مأموریت او موخې
ليدلوری:
د نړيوالو اړيکو په برخه کې د مسلکي متخصصينو د لرلو له پلوه د دولتي او نادولتي او همدارنګه د علمي او څېړنيزو بنسټونو د اړتيا پوره کول.
موخې:
د نړيوالو اړيکو تر لیسانس پورته پروګرام په لاندينيو موخو باندې متمرکز دی؛
- د داسې مستعدو کادرونو روزنه چې تر فراغت وروسته د دې جوګه وي، چې د ديپلوماتيکو اړيکو، د ملي پاليسيو د جوړولو، بهرني سياست او د افغانستان د نړيوالو اړيکو د مديريت په برخه کې اغېزناک نقش ولري.
- د داسې مستعدو کادرونو روزنه چې تر فراغت وروسته په پوهنتون او علمي مرکزونو کې د استاد په توګه په تخصصي ډول د درس ورکولو جوګه وي.
- د داسې مستعدو کادرونو روزنه چې تر فراغت وروسته په علمي او څېړنيزو مرکزونو کې د څېړونکي په توګه د بحثونو او مسايلو د تجزيې او شننې او تخصصي وړاندې کولو جوګه وي.
- د داسې استعدادلرونکو کادرونو روزنه چې تر فراغت وروسته له ملي او نړيوالو بنسټونو سره د همکارۍ برابرولو جوګه وي.
- د داسې مستعدو کادرونو روزنه چې د دې جوګه وي، ترڅو د افغانستان د بهرني سياست او د نړيوالو اړيکو د مديريت په برخه کې شته نيمګړتياوو او کمۍ اصلاح کړي او رغون پکې راولي.
- په مختلفو برخو کې د دولتي او غيردولتي ارګانونو د اړتياوړ متخصص کادر روزنه.
- د دوکتورا په برخه کې د تحصيل د ادامې په خاطر د مستعدو کادرونو چمتوکول.