د PTS موسسې مشر د کابل پوهنتون څخه لیدنه وکړه
د Pinacle Teaching Solutions مؤسسې رئیس ډیویډ الان لینډسي او ورسره پلاوي د روان کال د زمري میاشتې په ۱۷ نېټه د چهارشنبې په ورځ له کابل پوهنتون څخه لیدنه وکړه.
ښاغلي لینډسي د کابل پوهنتون له رئیس سره د کتنې پر مهال د دې ادارې پرمختګونه د پام وړ وبلل. هغه زیاته کړه، د دوی پلاوی د علمي او تحصیلي پروګرامونو د پراختیا په برخه کې کافي تجربه لري او چمتو دی چې پدې برخه کې له کابل پوهنتون سره همکاري وکړي.
د کابل پوهنتون رئیس دوکتور اسامه عزیز په پوهنتون کې د ښاغلي لینډسي او د هغه د ټیم له شتون څخه خوښي څرګنده کړه او په دغه علمي بنسټ کې یې د پرمختګونو، لاسته راوړنو او نویو پروګرامونو جوړولو په اړه معلومات وړاندې کړل. PTS یوه نړیواله بهرنۍ مؤسسه ده چې تر ډېره په تعلیمي او تحصیلي برخو کې فعالیت کوي او په پام کې ده چې د ۱۵ ورځو لپاره د کابل پوهنتون د پوهنځیو رئیسانو، د دیپارتمنتونو آمرینو او استادانو لپاره روزنیز پروګرام په لاره واچوي.
