د ګډې علمي همکارۍ په موخه هوکړه لیک لاسلیک شو
د کابل پوهنتون فارمسي پوهنځي او میهن د لوړو زده کړو مؤسسې ترمنځ د ګډو علمي همکاریو هوکړه لیک لاسلیک شو. د یاد هوکړه لیک له مخې د کابل پوهنتون د فارمسي پوهنځی د یادې مؤسسې د استادانو او محصلینو د ظرفیت لوړولو، د علمي او څېړنیزو کنفرانسونو د ترسره کولو، د ګډو څېړنیزو پروژو پر مخ بیولو، د علمي مقالو او څېړنو د خپراوي او د علمي منابعو او امکاناتو د شریکولو په برخو کې ګډ کار کوي.
د فارمسي پوهنځي تر دې وړاندې هم له ګڼ شمېر اکاډمیکو مراکزو او ذیربطو بنسټونو سره د ظرفیت لوړونې په موخه د ګډو همکاریو هوکړه لیکونه لاسلیک کړي، چې د تطبیق په حال کې دي.
