د ګډې علمي همکارۍ په موخه هوکړه لیک لاسلیک شو
د کابل پوهنتون د فارمسي پوهنځي او نعمان سادات د لوړو زده کړو مؤسسې ترمنځ د ګډو علمي همکاریو هوکړه لیک لاسلیک شو. د یاد هوکړه لیک له مخې به دواړه لوري د استادانو او محصلینو د ظرفیت لوړولو، د علمي او څېړنیزو کنفرانسونو د ترسره کولو، د ګډو څېړنیزو پروژو پر پرمخ بیولو، د علمي مقالو او څېړنو د خپراوي او د علمي منابعو او امکاناتو د شریکولو په برخو کې ګډ کار کوي. یاده دې وي چې د فارمسي پوهنځي تر دې وړاندې هم له ګڼ شمېر اکاډمیکو مراکزو او ذیربطو بنسټونو سره د ګډو همکاریو هوکړه لیکونه لاسلیک کړي، چې د تطبیق په حال کې دي.
